جمهوررئیس‌لیک سرایی نینگ ایتیشیچه، آغاخان فرهنگی اویوشمه‌سی هرات نینگ بیشینچی مناری نی قیته قوره‌دی.
بوگون (چهارشنبه ۲۱- عقرب) جمهورلیک ریاست سوزلاوچیسی صدیق صدیقی بیر توییت یازیب ایتیشیچه، آغاخان فرهنگی اویوشمه‌سی جمهوررئیس غنی گه بیر نامه یوباریب و هرات بیشینچی مناری نی قیته قوریش خصوصیده اوز تیارگرلیگی نی بیلدیرگن.
جمهورلیک ریاستی نینگ سوزلاوچیسی گه کوره، جمهوررئیس اوتگن هفته آغاخان فرهنگی اویوشمه‌سی و یونسکو تشکیلاتی مسئوللری بیلن اوچره‌شیب و تاریخی آبده‌لر سقله‌نیشی خصوصیده یاردم سوره‌گن ایدی.
بوندن آلدین هرات محلی مسئوللری هرات نینگ بیشینچی مناری بوزیلیشی خصوصیده آگاه‌لنتیرگن ایدی. اوتگن هفته جمهوررئیس غنی بو منار قیته قوریلیشی خصوصیده هرات حاکمی گه بویروغ بیردی. جمهوررئیس هرات حاکمی گه بو ولایت بیشینچی مناری نی تیکشیریش اوچون تخنیکی بیر گروه ایجاد قیلیشی نی ایتگن ایدی.
