اوسیملیکلردن توزهلگن صابونلر، طبیعی یاغلر و تیرینی مراقبت قیلیش محصوللری بیلن توله بیر اوینینگ چیکهسیده، عیاللردن قطاری بویورتمهلرنی پاکتلش بیلن شغللنگنلر؛ ایران ده تعلیمی بیر تجربهدن باشلنگن هرات دهگی کیچیک بیر ایشخانه، حاضر ۱۰ ته عیال و قیزگه ایش بیلن شغللنیش زمینهسینی یرهتگن.
هرات یشاوچیسی بولمیش ۲۴ یاشر رقیه رضایینینگ ایتیشیچه، قریب اوچ ییل آلدین «گل مگنولیا» ایشخانهسینی آچیب و حاضر ایسه هرات ده تعلیمدن محروم قالگن قیزلرگه ایش زمینهسینی یرهتیشگه علاوه، باشقه بیش ولایتده هم فعالیتلرینی کوچهیتیره آلگن.
اونینگ ایتیشیچه: «۱۴۰۲-ییلدن بویان اوسیملیکلردن توزهلگن صابونلر، تنه اوچون یاغلر و کریملرنی ایشلب چیقریش بولیمیده فعالیتیمیز بار و الحمدالله حاضر ایکی ولایتده رسمی ایکی نمایندهلیگیمیز بار و کابل، بلخ، دایکندی، بامیان و قندهار ولایتلریگه یوبارهمیز.»
رقیهنینگ ایتیشیچه، اوشبو ایشخانهدهگی عیاللر ایش اورگهنیش، ایشلب چیقریش، پاکتلش، ساتیش و بازار تاپیش بولیملریده فعالیت قیلماقده. «قریب ۱۰ عیال ایش اورگهنیش، تولید، پاکتلنیش، ساتیش و مجازی فضاده ایشلش بولیملریده بیزلر بیلن ایشلماقده.»
اونینگ کوپهیتیریشیچه، کوپینچه سعیوحرکتلر بیلن، اولرنینگ اینگ بویوک قیینچیلیگی دستلبکی مادهلرنی تیارلش دیر؛ اوشبو مادهلر ایسه کوپراق ایران دن کیلتیریلهدی و قیمت آشیشی همده اونینگ انتقال بیریلیشی توغریسیدهگی قیینچیلیک، اولرنینگ ایش جریانینی قیینچیلیک بیلن روپهره قیلگن.
رقیهنینگ اورغولشیچه: «اینگ کته قیینچیلیگیمیز خام ماده قیینچیلیگی دیر؛ قیغو بیلن صابون اوچون فایدهلنهدیگنیمیز خام مادهلر و اصلی مادهلر، ایران دن کیلهدی و سونگی اوروشلر سبب، مادهلرنی تیارلش جودهیم قیین دیر. بو مادهلر بو ییرده تاپیلگنی صورتده هم، قیمتی اوچ-تورت برابر کوپراق دیر.»
مذکور ایشخانهدهگی ایش اورگتووچیلردن قطارینینگ ایتیشلریچه، درآمد قولگه کیلتیریش یانیده اهالی آرهسیده طبیعی محصوللردن فایدهلنیشنینگ رواجلنتیریشگه سعیوحرکت قیلماقدهلر.
اوشبو ایشخانهدهگی ایش اورگتووچیلردن بیری کلثوم علوینینگ ایتیشیچه، بوندن آلدین اوسیملیکلردن توزهلگن یوویش مادهلری توزهتیلیشینی علمی شکلده اورگهنیب و حاضر عیاللر و تحصیلدن محروم قالگن قیزلرگه اورگتماقده. «هدفیمیز یالغیز درآمد ایمس؛ جمعیتده ارگانیک و اوسیملیکلر بیلن توزهلگن یوویش مادهلریدن فایدهلنیشنینگ کوپهیتیریش دیر؛ چونکه بو محصوللر تیری اوچون ضرری آزراق دیر.»
شونینگدیک بو ایشخانهدهگی ایشلاوچی عیاللرنینگ ایتیشلریچه، مذکور ایشخانه آرقهلی درآمد قولگه کیلتیریش بیلن حیات نیازلرینینگ کوپینچهسینی تامین قیله آلگنلر.
مگنولیا ایشخانهسی ایشلاوچیلریدن لطیفه ساداتنینگ ایتیشیچه: «بیر ییلدن بیری بو ایشخانهده پاکتلش و اجتماعی ترماقلر بولیمیده فعالیت قیلهمن. آیده تورت مینگ افغانی معاشیم بار. بو ییردن قولگه کیلتیرهدیگنیم معاشنی تعلیم توغریسیده صرفلهیمن. جودهیم راضیمین. بو کبی ایشخانه بارلیگی قیینچیلیگیمنینگ بیراز حل قیله آلگن.»
شونینگدیک بو ایشخانهدهگی ایشلاوچیلردن باشقه بیری ملیکاگه کوره: «اوشبو مدتده کوپینچه نرسهلرنی اورگندیم، اینیقسه صابون و اوسیملیک یاغلرنی ایشلب چیقریشگه تیگیشلی دستلبکی تعلیملرنی بیلدیم که مینی اوچون یخشی بیر تجربه ایدی. بو ییرده ایشلش اوسیملیک و ارگانیک محصوللرنینگ کوپراق تانیشیمگه سبب بولدی. بو ایش آرقهلی اهالینی طبیعی و ارگانیک محصوللر بیلن کوپراق تانیشتیریب و جمعیتده طبیعی محصوللردن فایدهلنیشنی کوپهیتیرماقچینمیز.»
شوندهی بیرحالده، غرب حوزهسیدهگی عیاللر سودا و صناعت اتاقی مسئوللری، تجارت و ایچکی تولیدلر بولیمیده عیاللرنینگ یخشی حضوریگه اشاره قیلیب و ایتیشلریچه، بو عیاللردن قطارینی ایران دن مملکتگه قیتگنلر تشکیل بیرهدی.
غرب حوزهسیدهگی عیاللر سودا و صناعت اتاقی باشلیغی بهناز سلجوقینینگ ایتیشیچه: «تدبیرکار عیاللر برابریدهگی اینگ کته توسیق سرمایه موضوعسی دیر، قیغو بیلن سرمایه آزلیگی یا-ده سرمایه یوقلیگی بیلن روپهرهلر. بعضا بیر تجارتنی باشلش اوچون یخشی فکرلری بار؛ بیراق قیغو بیلن سرمایهلری یوقلیگی سبب عملگه آشیره آلمهیدیلر.»
عیال حقوقی فعاللری و اقتصادی مسئلهلر بیلرمانلرینینگ ایشانچیگه کوره، عیاللرنینگ اقتصادی فعالیتی یالغیز درآمدگه چیکلنمهیدی، بلکیم جمعیت و عایله اقتصادی وضعیتیگه هم توغری تاثیر قویهدی. عیال حقوقی فعالی معصومه جامینینگ ایتیشیچه: «عیاللر خودکفا بولگنیده، جمعیت و عایله خودکفا بولهدی. عیاللر اقتصادی بازار اقتصادی رشدی و بازار اقتصادی بیر مملکت اقتصادی یخشی بولیشیگه سبب بولهدی.»
بو توغریده اقتصادی مسئلهلر بیلرمانلریدن شعیب رحیمینینگ ایتیشیچه: «حمایت بولمهگنی یانیده، فعالیتلری برابریده بیر توسیقلیک بولمسه، عیاللر تورلیخیل و کوپینچه محصوللرنی تولید قیلیب و ساته آلهدیلر همده بازارده کوپینچه ایستهکنی اورته گه کیلتیره آلهدیلر که بو ایش، بازار و عیاللر تجارتی برقرارلیگیگه سبب بولهدی.»
اقتصادی قیینچیلیکلر بولگنی و دستلبکی مادهلر تیارلنیشی بوییچه قیینچیلیکلر بولگنی بیلن، ینه هم عیاللر فعالیتلرینی کوچهیتیریشگه امیدوارلر. اولرگه کوره، بو سعیوحرکت کیچیک بیر تجارتنی دوام بیریش اوچون ایمس، بلکیم باشقه عیاللر اوچون کسب-کار و مالی مستقللیک فرصتینی یرهتیش اوچون دوام قیلماقده.
غرب حوزهسیدهگی عیاللر سودا و صناعت اتاقینینگ معلوماتی اساسیده، هرات ده تورلی بولیملرده بیر مینگدن آرتیق عیالنینگ فعالیتی بولیب و بو رقم، کون اوتیشی بیلن کوپهیماقده.
