هرات محلی مسووللری نینگ ایتیش‌لریچه، اوشبو ولایت نینگ «میرداوود» دروازه‌سی منطقه‌سیده ترافیکی بیر حادثه عاقبتیده، ۱ کیشی هلاک و باشقه ۳۲ کیشی یره‌لنگن.
هرات آمبولانس مسوولی ابراهیم محمدی نینگ سلام‌وطندارگه ایتیشیچه، اوتگن کیچه ساعت ۱۲ ده اوشبو ولایت نینگ «میرداوود» دروازه‌سی منطقه‌سیده مسافر تاشیووچی بیر موتر یوک تاشیووچی بیر موتر بیلن توقنشگن.
جناب محمدی‌گه کوره، اوشبو حادثه‌ده مسافر تاشیووچی موتر نینگ هیداووچی‌سی هلاک و باشقه ۳۲ کیشی یره‌لنگن. اونینگ کوپه‌یتیریشیچه، ۴ عیال و ۳ باله یره‌لنگن‌لر جمله‌سیدن دیر.
هرات آمبولانس مسووللری نینگ ایتیش‌لریچه، هرات آمبولانس تیمی زمانیده محل‌گه باریب یره‌لنگنلرنی قوتقرگنیدن سونگ، مسافر تاشیووچی موتر اوت آلگن.
عین‌حالده، هرات ولایتی بوییچه ساغلیق‌نی سقلش ریاستی سوزلاوچیسی محمدرفیق شیرزی نینگ ایتیشیچه، اوشبو حادثه عاقبتیده ۱ کیشی هلاک و باشقه ۲۶ کیشی یره‌لنگن.
جناب شیرزی‌گه کوره، ۶ عیال، ۲ باله و ۱۸ ایرکک یره‌لنگن‌لر جمله‌سیدن و اولردن کوپ قطاری نینگ وضعیتلری یخشی دیر.
هیداووچی‌لرنینگ ترافیکی قانونلرگه دقت قیلمه‌گنی سبب، بو واقعه یوز بیرگن.
