سمنگان ولایتی ساغلیقنی سقلش ریاستی مسئوللری، اوشبو ولایت مرکزی ایبک شهریده بیر عیال تورت «ایگیزک» دنیا گه کیلتیرگنیدن خبر بیردیلر.
مذکور اداره مسئوللرینینگ ایتیشیچه، اوشبو ۳۳ یاشلی عیال بوگون (۶ میزان/۲۸ سپتمبر، دوشنبه) سمنگان ولایتی کسلخانهسیده چقهلاقلرنی دنیا گه کیلتیرگن.
سمنگان ولایتی ساغلیقنی سقلش ریاستی مسئوللری، بو عیال ایبک شهری حدودلریگه قرهشلی «گل قیشلاق» یشاوچیسی ایکنینی ایتگنلر.
مسئوللر گه کوره، چقهلاقلرنینگ ایکی نفری قیز و ایکی نفری اوغیل دیر.
شفاخانه مسئوللرینینگ ایتیشیچه، آنه همده چقهلاقلرنینگ ساغلیق احوالی یخشی بولیب، حاضرده اولر طبی نظارت آستیده.
بوندن آلدین هم، سمنگان ولایتیده عیاللرنینگ ایگیزک دنیا گه کیلتیرگنی حقیده خبر قیلینگن.
