اسلام امیرلیگی صناعت و سودا وزیرلیگی، اوشبو وزیرلیک وزیری نورالدین عزیزی، یوقاری مرتبهلی بیر هیئت باشچیلیگیده رسمی تشریف بیلن بلاروس گه جونب کیتگنینی معلوم قیلدی.
اوشبو وزیرلیک، بوگون (۷ میزان/۲۹ سپتمبر، سهشنبه) بیر بیانیه ترقهتیب، نورالدین عزیزی بلاروس خلقارا صناعت ایکینچی کورگزمهسیگه اشتراک ایتیش همده بو ایکی مملکت اورتهسیده اقتصادی و سودا همکارلیکلرنی کینگهیتیریش مقصدیده بلاروس گه جونب کیتگنینی ایتگن.
بیانیه گه کوره، صناعت و سودا وزیری اوشبو سفری دایرهسیده بلاروس خلقارا صناعت کورگزمهسینی یقیندن کوزهتیب و مملکتلر وکیللرینینگ عمومی ییغیلیشیده هم اشتراک ایتیشی ممکن.
بیانیهده، عزیزینینگ بلاروس تشقی ایشلر، زراعت و صناعت وزیرلری بیلن اوچرهشووی ریجهلشتیریلگنی قید ایتیلگن. اوشبو اوچرهشوولرده سودا و اقتصادی علاقهلرنی مستحکملش، صناعت و زراعت بوییچه همکارلیکلرنی کینگهیتیریش، سرمایه کیریتیش همده افغانستان و بلاروس اورتهسیده ینگی همکارلیکلر گه زمینه یرهتیش حقیده بحث ایتیشی کوتیلهدی.
صناعت و سودا وزیرلیگی، بو سفر افغانستان و بلاروس اورتهسیده اقتصادیات و سودا علاقهلر مستحکملنیشی، همکارلیکلر آشیریلیشی و سرمایه کیریتیشنی جلب قیلیش گه آلیب کیلیشیگه امیدوارلیک بیلدیرگن.
