کاسا ۱۰۰۰ تاجکستان و قرغیزستان‌دن پاکستان گه برق انتقال بیره‌دیگن بویوک بیر پروژه دیر که افغانستان مسیری‌دن اوته‌دی.
اوشبو پروژه آچیلگنیدن حاضرگچه کوپینچه قیین‌چیلیک‌لر بیلن روپه‌ره ایکن، جمله‌دن اوتمیش ییل‌لرده افغانستان نینگ یامان خوفسیزلیک وضعیتی، اوشبو پروژه خصوصیده کوپینچه قیین‌چیلیک‌لر نی ایجاد قیلگن ایدی.
ینگی‌لیکده افغانستان ترانزیب نقشی گه ایگه بولگن برق انتقال بیره‌دیگن اونملی پروژه نینگ مذکور مملکتده توخته‌گنی خصوصیده گزارش ترقه‌تیلگن.
بیزلرنینگ توییترده هم تعقیب قیلینگ!
اوشبو گزارش‌لر اساسیده، تاجکستان نینگ کاسا ۱۰۰۰ لایحه تطبیق قیلووچی اداره رئیسی فیض علی سمیعوف نینگ رویترز خبرگزارلیگی گه ایتیشیچه، اوشبو پروژه نینگ ایشی کیله‌جک ییل افغانستان‌دن باشقه اوچ مملکتده تکمیل بولیشی ممکن.
بیراق حاضرگی حکومت نینگ سوو و برق وزیرلیگی اوشبو موضوع‌دن خبرسیز‌لیگی نی بیلدیرگن.
سوو و برق وزیرلیگی نینگ سوزلاوچیسی اخترمحمد نصرت نینگ ایتیشیچه: «حاضرچه بو خصوصده بیزگه راپور کیلمه‌گن و مین بو توغریده هیچ نرسه‌نی بیلمیمن.»
دیمک کاسا ۱۰۰۰ پروژهسی عملگه آشیریلگن تقدیرده، افغانستان ده ۳۰۰ میگاوات برق بیریشی‌گه علاوه، بو مملکت ییل ایچیده اوندن ۴۵ میلیون دارل ترانزیتی عاید قولگه کیلتوره‌دی.
بو پروژه نینگ ایشی افغانستان‌ده توخته‌تیلیشی کوپلب خواطرلر گه سبب بولگن.
اقتصادی ایش بیلرمان ظاهر بهزاد نینگ بو خصوصده ایتیشیچه: «منطقه‌ی رواجلنیش اوچون بولگن کاسا ۱۰۰۰ لایحه‌سیده افغانستان‌نینگ حصه‌سی اونملی دیر و اونی انتقال بیریش یولی افغانستان ایدی، بو لایحه‌نینگ توخته‌گنی افغانستان‌ده اینقسه اقتصاد بولیمیده سلبی تاثیر قویه‌دی.»
ایتیلشیچه، بو پروژه نینگ اصلی تمویل‌چی‌لری اینقسه خلق‌ارا بانک نینگ افغانستان ده ایکینیچلیک، معارف و ساغلیق بولیمیده بولگن توجه‌سی بو پروژه نینگ توخته‌لیشی سبب‌لریدن دیر.
بیزلرنینگ فیسبوک صحیفه‌میزگه باش اورینگ!
شوندی بیرحالده، اقتصادی ایش بیلرمان‌لر بو خصوصده چیت‌ایل لیک همکارلر و پروژه تمویل ایتووچی‌لرینی قناعت بیریش‌نی تاکید ایته‌دی‌لر.
اقتصادی ایش بیلرمان عبادالله ناصری نینگ ایتیشیچه: «بیز قندی دنیا اینقسه بو پروژه تمویل ایتووچی‌لرینی قناعت بیریش‌میز مهم، بو خصوصده اولرگه افغانستان‌ده خوفسیزلیک تامین ایتیلگن دیب ایشانچ بیریش‌میز کیره‌ک.»
ایتیش کیره‌ک که، کاسا ۱۰۰۰ پروژهسی نینگ ۳۰۰ میگاوات برقی افغانستان‌ده و ۱۰۰۰ میگاوات ایسه پاکستان‌ده انتقال بیریله‌دی.
