شهرسازلیک و اراضی وزیرلیگی عملگه آشیریش مسئولی بولگن کمیده ۵۵۰ انشاآتی پروژه‌لر آره‌سیده، جاری مالی ییل ده اوشبو پروژه‌لردن بیرقطاری نینگ تقدیری نامعلوم دیر.
شهرسازلیک و اراضی وزیرلیگی نینگ ایتیشیچه، ییترلیچه بودجه یوق‌لیگی باعث، اوشبو وزیرلیک جاری ییل ده قطار پروژه‌لرنی تطبیق ایته آلمه‌یدی.
«دولت نینگ اهالی گه حساب» بیریش دستوری چارچوبه‌سیده، حکومت نینگ میدیالر مرکزی ده شهرسازلیک و اراضی وزیرلیگی نینگ سرپرستی حمدالله نعمانی نطق سوزلب ایتیشیچه، اوشبو ییل مذکور وزیرلیک نینگ ترقیاتی بودجه‌سیدن بیر بولیمی اوشبو وزیرلیک نینگ کدرلرینی اسره‌ش خصوصیده صرفلنیشی ممکن و ترقیاتی قطار پروژه‌لرنی عملگه آشیریش اوچون ییترلیچه بودجه کوزگه توتیلمه‌گن.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه: «شهرسازلیک وزیرلیگیده قریب ۵۵۰ پروژه که باشقه وزیرلیکلر گه باغلیق دیر و قوریش ایشلری شهرسازلیک وزیرلیگی گه تیگیشلی دیر موجود. ۱۴۰۱_ مالی ییل بودجه‌سی اعلام ایتیلیشی بیلن بیز نیچه مراتبه بوتوغریده مالیه وزیرلیگی و اقتصاد سکتوری بیلن سوزله‌دیک، بیراق بودجه گه بناً اوشبو ییل قطار پروژه‌لر ایشی توخته‌تیلگن.»
اسلامی امارت سرپرست حکومتی اوتگن ییل‌لر گه نسبتن، ۱۴۰۱_ مالی ییل بودجه‌‌سینی ایچکی درآمد دن، جُدا آز ترقیاتی بودجه بیلن تصدیقله‌دی.
اقتصادی ایش بیلرمان عبدالواسع نائب‌زی نینگ ایشانچی گه کوره، شهرسازلیک وزیرلیگیده ییترلیچه ترقیاتی بودجه یوق‌لیگی شهر و اهالی نینگ اقتصادی وضعیتی اوستیگه سلبی تاثیر قیله‌دی.
اونگه کوره: «شهرسازلیک و اراضی وزیرلیگی نینگ ییترلیچه بودجه‌سی یوق‌لیگی نیچه بولیمده منفی تأثیری بار، بیرینچیدن شهری ترقیاتی ایشلر و باشقه بولیم‌لرده زیان ییتکیزه‌دی و شونینگدیک ایش فرصت‌لری کمیه‌دی.»
برچه‌سی بیلن شهرسازلیک و اراضی وزیرلیگی، شهری ماستر پلان‌لر، استراتیژیک پلان‌لر و شهری ترقیاتی پلان‌لر نظرگه آلینگنیدن خبر بیره‌دی.
بیزلرنینگ توییترده هم تعقیب قیلینگ!
شونینگدیک مذکور وزیرلیک، مملکت نینگ بیش زونیده ۲۰۰ مینگ مسکونی واحد و شونینگدیک کابل جدید، چینایی‌لر و قطری‌لر شهرک‌لری کبی اوچ بویوک پروژه نینگ ایشی باشله‌نیشیدن خبر بیره‌دی.
عین‌حالده، بوندن آلدین مملکت مقیاسیده انشاآتی پروژه‌لر صفتی قنده‌ی‌لیگیدن شکایت بولر ایدی. شهرسازلیک و اراضی وزیرلیگی نینگ ایتیشیچه، اوشبو وزیرلیک نینگ تیکشیریش‌لری اساسیده، اوتمیش ده قوریلگن اکثر انشاآت‌لر خلق‌ارا استندردلری گه ماس ایمس دیر.
