خلق‌ارا قیزیل خاچ کمیته‌سی مسئوللری نینگ سلام‌وطندار گه ایتیشلریچه، اسلام امیر‌لیگی نینگ قدرت گه ایریشگنیدن کیین، اوشبو کمیته ۲۵ دولتی کسلخانه گه یاردم‌لری نی دوام بیرگن و حاضر ایسه مالی قیین‌چیلیک‌لر سبب، اگست آیی نینگ یکونی‌گچه یاردم‌لری نی ۲۵ دولتی کسلخانه گه توختته‌دی.
افغانستان ده خلق‌ارا قیزیل خاچ کمیته‌سی سوزلاوچیسی پرویز فیضی، مذکور کمیته آرقه‌لی ساغلیق‌نی سقلش بولیمی‌ده‌گی مینگ‌لرچه ایشلاوچیسی نینگ حقوقی، کسلخانهلر نینگ جاری خره‌جتی و شونینگدیک مذکور کسلخانهلر گه نیاز بولگن دارو نینگ تامین‌لنیشی نی ایتگن ایدی. اونگه کوره، مذکور یاردم بیلن دولتی کسلخانهلر مملکت بویلب ۲۵ میلیون کیشی گه ساغلیق خذمت‌لر نینگ تامین‌له‌ر ایدی.
بیزلرنینگ توییترده هم تعقیب قیلینگ!
شونینگدیک بیرلشگن ملت‌لر تشکیلاتی نینگ یاردم‌لر نی هماهنگ قیلووچی دفتری یا-ده اوچا سونگی ایکی هفته‌ده، مذکور نهاد بودجه‌سی نینگ کمه‌یشی افغانستان ده ۲۶۲ ساغلیق مرکز نینگ یاپیلیشی گه سبب بولگنی نی اعلام قیلگن.
شونده‌ی بیرحالده، ساغلیق نی سقلش وزیرلیگی مسئوللری خلق‌ارا نهاد‌لر تامانیدن ساغلیق مرکزلر نینگ یاپیلیشی نی رد قیلیب ایتیشلریچه، اوشبو مرکزلرده ساغلیق خذمت‌لر ارایه بوله‌دی. اوشبو وزیرلیک سوزلاوچیسی شرافت زمان امرخیل نینگ ایتیشیچه، خلق‌ارا نهاد‌لر، حمایت‌لری آستیده بولگن کسلخانهلرده یاردم‌لری نینگ کمه‌یتیرگنلری صورت‌ده، اوشبو وزیرلیک ساغیق خذمت‌لر ارایه‌سی اوچون بودجه تامین قیلیش گه کوچی ییتیشه‌دی.
ساغیلق‌نی سقلش وزیرلیگی سوزلاوچیسی نینگ کوپه‌یتیریشیچه: «کسلخانهلر گه خارجی تشکیلات‌لر یاردم‌لری کمه‌یگنی صورت‌ده، اوشبو وزیرلیک ملی بودجه‌دن اونینگ مصرف‌لری نی توللش گه کوچی ییتیشه‌دی و اوشبو کسل‌خانه‌ده خذمت‌لر ارایه‌سی عادی شکلده دوام تاپه‌دی.»
عین حالده، شفاکارلردن قطاری نینگ ایتیشلریچه، ساغلیق سکتوری گه یاردم‌لر کمه‌یشی، اینگ یقین زمان‌ده ساغلیق خذمت‌لر عرضه‌سی نینگ قیین‌چیلیک بیلن روپه‌ره قیلیشی ممکن. وقایه طبیات عمومی باشلیغی حیدرخان حیدر نینگ ایتیشیچه، اوشبو وزیرلیک بوتون کسلخانهلرده ساغلیق خذمت‌لر ارایه‌سی نی تامین قیلیش گه کوچی ییتیشه‌دی.
ساغلیق‌نی سقلش وزیرلیگی نینگ وقایه طبیات عمومی باشلیغی نینگ کوپه‌یتیرشیچه: «خارجی تشکیلات‌لر یاردم‌لری نی کمه‌یتیرگنلری صورت‌ده، اینگ یقین زمان‌ده قیین‌چیلیک بیلن روپه‌ره بولینه‌دی؛ بیراق ساغلیق‌نی سقلش وزیرلیگی ملی بودجه‌دن صرف‌لش بیلن اونینگ تامین‌لش گه کوچی ییتیشه‌دی.»
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، اوتگن بیر یریم آی‌ده، ساغلیق بولیمی‌ده اوچ خلق‌ارا نهاد ایشی نی توخته‌‌تگن. افغانستان بوییچه سویدن کمیته‌سی، افغانستان ده اونملی تشقی نهاد‌لردن دیر که، ۱۴ ولایت‌ده تورلی بولیم‌لرده فعالیتی بار ایدی و اهالی گه ساغلیق خذمت‌لر ارائه‌سی، افغانستان بوییچه سویدن کمیته فعالیت‌لری نینگ اینگ اونملی بولیملریدن دیر.
اوشبو کمیته نینگ وبسایتی‌ده ترقه‌تیلگن معلومات اساسیده، ۲۰۲۱-ییل جریانیده افغانستان ده ۱.۷ میلیون کیشی، مذکور نهاد گه تیگیشلی ساغلیق مرکزلردن، درمانی خذمت‌لر قولگه کیلتیرگنلر.
