قیشلاق‌لر نی رواجلنتیریش و قیته قوریش وزیرلیگی مسئوللری، بوگون «دولت نینگ ملت گه حساب بیریش» برنامه‌سیده ایتیشلریچه، حاضر ایسه سوو ییتکزیش بولیمی‌ده بیر میلیارد ۲۵۰ میلیون افغانی ارزشی گه ۳۸۳ پروژه تطبیق ایشی نینگ دوامی بار که، مینگ‌لرچه کیشی گه ایش زمینه‌سی یره‌تیلگن.
اولر گه کوره، مذکور پروژه‌لر نینگ عمل گه آشیریلیشی بیلن، آلتی میلیون ۷۰۰ مینگ کیشی پاک ایچیملیک سوو گه قول تاپیشی ممکن. قیشلاق‌لر نی رواجلنتیریش و قیته قوریش وزیرلیگی مسئوللری نینگ کوپه‌یتیریشلریچه، اوتگن بیر ییل‌ده سوو ییتکزیش بولیمی‌ده، مملکت‌ده باشقه ۱۰۴ سوو ییتکزیش پروژه هم عمل گه آشیریلگن.
بیزلرنینگ فیسبوک صحیفه‌میزگه باش اورینگ!
قیشلاق‌لر نی رواجلنتیریش و قیته قوریش وزیرلیگی معینی سید‌احمد مستقیم نینگ ایتیشیچه: «سوو ییتکزیش بولیمی‌ده مملکت نینگ ۲۶ ولایتیده ۱۰۴ پروژه یونیسف نینگ مالی حمایتی بیلن تکمیل و فایده‌لنیش گه تاپشیریلگن که اونینگ نتیجه‌سیده، بیر میلیون و ۴۴۷ مینگ کیشی گه پاک ایچیملیک سوو ییتیشتیریلدی. مذکور پروژه‌لر نینگ تطبیق بولیشی بیلن، ۵۰۰ میلیون افغانی‌دن آرتیق خره‌جت کوتارگن.»
شونینگدیک، قیشلاق‌لر نی رواجلنتیریش و قیته قوریش وزیرلیگی مسئوللری نینگ کوپه‌یتیریشلریچه، اوشبو وزیرلیک یاردم بیرووچی نهاد‌لر بیلن سوو ییتکزیش بولیمی‌ده همکارلیک اون‌لب بیتیم نی امضا قیلگن.
باشقه بیر تامان‌دن، قیشلاق‌لر نی رواجلنتیریش و قیته قوریش وزیرلیگی، اوچ ولایت‌ده یول توزه‌تیش و کانکریتی کانال‌لر نینگ توزه‌تیلیشی بولیمی‌ده کمیده ۲۵ پروژه نینگ تطبیق بولینیشی‌دن خبر بیرگنلر.
سید‌احمد مستقیم نینگ کوپه‌یتیریشیچه: «بادغیس، هلمند، قندهار و خوست ولایت‌لریده، ۳۲۷ میلیون افغانی ارزشی گه ۲۵ پروژه ایچکی بودحه‌دن، کانکریتی کانال‌لر توزه‌تلیشی بولیمی‌ده، سرک‌سازلیک و کوپریک توزه‌تیلیش و استنادری دیوارلر خصوصیده تطبیق و فایده‌لنیش گه تاپشیریلگن.»
عین حالده، قیشلاق‌لر نی رواجلنتیریش و قیته قوریش وزیرلیگی مسئوللری نینگ ایتیشلریچه، اوتگن ییل ایشی یریم قالگن سوو ییتکزیش ۴۷۴ پروژه‌دن ۱۱۸ پروژه ایشی اوشبو وزیرلیک تامانیدن باشلنیب یا-ده تکمیل بولگن.
بیزلرنینگ توییترده هم تعقیب قیلینگ!
قیشلاق‌لر نی رواجلنتیریش و قیته قوریش وزیرلیگی نینگ ساغلیق نی سقلش و سوو ییتکزیش رئیسی بخت منیر محمد نینگ ایتیشیچه: «۱۴۰۰-ییل‌دن حاضرگچه سوو ییتکزیش بولیمی‌ده، ۴۷۴ پروژه نینگ ایشی یریم قالگن و اوشبو پروژه‌لردن حاضرگچه ۱۱۸ ته‌سی تکمیل بولگن دیر.»
ایتیش کیره‌ک که، حاضر ایسه قیشلاغ‌لر نی رواجلنتیریش و قیته قوریش وزیرلیگی چوکاتی‌ده عمل گه آشیریله‌دیگن پروژه، اسلام امیر‌لیگی نینگ قدرت گه ایریشگنی‌دن کیین توخته‌گن دیر.
