چین، اوزبیکستان گه «J-10CE» کوپ مقصدلی قیروچی اوچاقلرینی ییتکزیب بیرگنینی تصدیقلهگن.
اوزبیکستان ییتکرمهلرینینگ معلوماتیگه کوره، چین خلقی جمهوریتی مدافعه وزیرلیگی وکیلی جیان بین ایکی دولت اورتهسیدهگی حربی علاقهلر حقیدهگی سواللر گه جواباً، چین و اوزبیکستان اورتهسیدهگی حربی همکارلیک خلقارا حقوق نورملری دایرهسیده رواجلنهیاتگنینی بیلدیرگن.
اونینگ ایتیشیچه، چین و ازوبیکستان اورتهسیده حربی همکارلیک خلقارا حقوق نورملری دایرهسیده رواجلنماقده و اوچینچی دولتلر گه قرشی قرهتیلمهگن.
شو طریقه، اوزبیکستان پاکستاندن کیین پکن «J-10CE» قیروچی اوچاقلریدن فایدهلنوچی ایکینچی چیتایل دولت گه ایلنگن.
اوزبیکستانده «J-10CE» اوچاقلری ایلک بار ۳۰ آگست کونی رسمی ویدیولرده نمایش ایتیلگن. مدافعه وزیرلیگی اوچاقلرنینگ رسومینی ایتمهگن، اولرنی «هوا سرحدلرینی قوریقلهیاتگن زمانهوی قیروچی اوچاقلر» دیب ایتگن ایدی.
بوندن اول، ایریم مدافعه نشرلری اوزبیکستان اوچون ۲۴ ته «J-10CE» بوییچه کیلیشوو توزیلگنینی یازگن. بیراق بو رقم حاضرگچه اوزبیکستان حکومتی یا کی چین مدافعه وزیرلیگی تامانیدن رسماً اعلان قیلینمهگن.
