غزهده آتیش کیسین بولیشیگه قرهمی، اسرائیل حربی کوچلرینینگ غزه گه پهپادی هجومیده بیر باله شامل اوچ کیشی یرهلنگن.
آنادولو، بوگون (۴ میزان/۲۶ سپتمبر، شنبه) ترقهتگن خبریگه کوره، اسرائیل حربی کوچلری پهپاد آرقهلی غزه جنوبی حدودلری خانیونس شهری مواسی منطقهسیگه هجوم قیلگن. بو هجومده اوچ فلسطینلیک جملهدن بیر باله یرهلنگن و اولردن بیرینینگ احوالی آغیر دیر.
شونینگدیک، خانیونس شمالیده «حمد» تورر جایلری اطرافیده فلسطینلیک آوارهلر بولگن چادرلر اسرائیل کوچلری تامانیدن اوققه توتیلگن.
غزه ساغلیقنی سقلش وزیرلیگینینگ معلوماتیگه کوره، میلادی ۲۰۲۵-ییل اکتوبر آییده کیلیشیلگن آتیش کیسین بیلن، اسرائیلنینگ هجوملریده بیرمینگ ۴۰۸ فلسطینلیک قربان بولگن و ینه تورت مینگ ۹۱۶ کیشی ایسه یرهلنگن.
ایسلهتیب اوتهمیز، میلادی ۲۰۲۳-ییل اکتوبر آییده اسرائیلنینگ غزه گه هجوملریدن بیری دییرلی ۷۴ مینگ فلسطینلیک قربان بولگن و ینه ۱۷۵ مینگ کیشی یرهلنگن. شونینگدیک غزهده قریب ۹۰ فایز آست قوریلمهلر بوزیلگن.
