اسلام امیرلیگی صناعت و سودا وزیرلیگی رسمی‌لری سلام‌وطندار بیلن صحبتده ایتیشلریچه، قویاش ۱۴۰۵ ییل باشیدن حاضرگچه ۵۵۰ میلیون دالرلیک دییرلی ایکی میلیون تُن بوغدای اونی، قوشنی و منطقه مملکتلردن افغانستان گه کیلتیریلگن.
مملکت گه مهاجرلرنینگ قیتیشی بیلن، آزیق-آوقت ماده‌لرینی وارد قیلیش حجمی هم کوپه‌یشی ممکن دییدی، اوشبو وزیرلیک رسمی‌لری.
صناعت و سودا وزیرلیگی سوزلاوچیسی محمدآصف الیاس شونده‌ی دییدی: «جاری ییل باشیدن حاضرگچه، ۵۵۰ میلیون دالرلیک قریب ایکی میلیون تُن بوغدای اونی افغانستان گه کیلتیریلگن. کوپراق اوزبیکستان، قزاقستان، روسیه، تورکمنستان، ایران و تورکیه‌دن کیلتیریلگن. مهاجرلرنینگ کیلیشی گه قره‌گنده آزیق-آوقت ماده‌لرینی کیلتیریش حجمی هم آشیشی ممکن.»
زراعت وزیرلیگی رسمی‌لری‌نینگ کوپه‌یتیریشیچه، جاری ییلده مملکتده قریب ۵.۱۵ میلیون متریک تُن بوغدای ییتیشتیریلگن، اوتگن ییلگه قره‌گنده ۱۳ فایز کوپه‌یگنینی کورسته‌دی. اونگه کوره: «مملکده قویاش ۱۴۰۵-ییلده دییرلی ۵.۱۵ میلیون متریک تُن بوغدای ییتیشتیریلگن. اوتگن ییلگه قره‌گنده قریب ۱۳ فایز کوپه‌یگنینی کورسته‌دی افغانستان حاضر هم بوغدای ییتیشتیریش‌ده اوز-اوزینی تأمینلش گه ییتمه‌گن.»
مملکت مرکزی و شمال‌شرق ولایت‌لریده ایریم دهقانلر، جاری ییلده بوغدای حاصلی اوتگن ییلگه نسبتن یخشی بولگن. قندوز ولایتیده‌گی دهقانلردن بیری محب شونده‌ی دییدی: « اوتگن ییل گه نسبتن بو ییل بوغدای یخشی حاصل بیردی و حتا ایکی برابر آشگن. کیله‌سی ییلده کوپراق ایکیش گه قرار قیلگن‌میز.»
بیراق بو کوپه‌یش مملکت‌نینگ برچه بولیملریده بیر خیل ایمس و ایریم دهقانلرنینگ ایتیشیچه، دایمی قورغاچیلیک، ایکینچیلیک سوو ییتیشمسلیگی و طبیعی آفت‌لر سببلی بو ییل هم بوغدای حاصلی کمه‌یگن.
غزنی‌ده‌گی دهقان فیض‌الله همده بلخ‌ده‌گی دهقانلردن بولمیش سیدمتین و صابر بوغدای حاصلی کمه‌یشی اولرنینگ دهقانچیلیک محصولاتیگه سلبی تأثیر قویگنینی ایته‌دیلر.
اقتصاد بیلرمانی جنت فهیم چکری، دهقانچیلیک ییرلرینی ناتوغری باشقریش همده موجود ظرفیت‌لردن فایده‌لنمسلیک‌نی، افغانستان‌نینگ چیت‌ایلدن بوغدای وارد قیلیشی گه قره‌م بولیب قالیش اساسی عاملی دیب بیله‌دی. او شونده‌ی دییدی: «اساسی معمامیز شو که حاضرگچه ایکینچیلیک ییرلرنی باشقریش‌ده دقت قیلمه‌گن میز. ایکینچیلیک ییرلر اساسی طرزده باشقریلسه بوغدای ایکینی یخشی حاصل بیره‌دی و حتا بوغدای صادر قیله آله‌میز.»
ایکینچیلیک، سوغاریش و چاروچیلیک وزیرلیگی بوغدای حاصلاتینی آشیریش و افغانستان نینگ برقرار اوز-اوزینی تأمینلش زمینه‌سینی یره‌تیش مقصدی بیلن، اصلاح قیلینگن اوروغلر ترقه‌تیش و سووغاریش تیزیم‌لرینی یخشی‌لش بولیمیده دهقانلر بیلن همکارلیک بولیشینی بیلدیرگن.
ایسله‌تیب اوته‌میز، بیرلشگن ملتلر تشکیلاتی‌نینگ آزیق-آوقت و ایکینچیلیک دستوری (فائو)، اوتگن آی‌ده‌گی گزارشیده، افغانستان میلادی ۲۰۲۶-ییلدن ۲۰۲۷-ییلگچه قرییب ۴.۶ میلیون تُن وارداتی بوغدای گه احتیاجی بولیشینی پیش‌بینلیک قیلگن. اوشبو تشکیلات گه کوره، افغانستان اینگ کوپ بوغدای اونی وارد قیله‌دی.
