سرپرست حکومت صناعت و سوداگرلیک وزیرلیگی مسئوللری نینگ سلاموطندار گه ایتیشلریچه، سونگی ۱۱ آی ده افغانستان بیر میلیارد ۷۱۷ میلیون دالرلیک توار صادر قیلگن.
افغانستان اوشبو میلادی ییل ده پاکستان، هندوستان، بیرلشگن عرب امیرلیگی، چین، ایران و تورکیه گه کوپراق تاش کومیر، پخته، تازه و قوروق میوه، هنگ اوروغی، قالین و زعفران صادر قیلگن.
اسلام امیرلیگی صناعت و سوداگرلیک وزیرلیگی نینگ معلوماتی اساسیده، افغانستان سونگی ۱۱ آی ده، قریب ییتتی میلیارد دالرلیک توار مملکت گه وارد قیلگن.
بیزلرنینگ فیسبوک صحیفهمیزگه باش اورینگ!
صناعت و سوداگرلیک وزیرلیگی سوزلاوچیسی آخوندزاده عبدالسلام جواد نینگ ایتیشیچه: «افغانستان نینگ تجارتی، میلادی ۲۰۲۳-ییل نینگ ۱۱ آیی ده، قریب سکیز میلیارد ۶۹۱ میلیون دالر دیر، بیر میلیارد ۷۱۷ میلیونی صادرات و آلتی میلیارد ۹۷۴ میلیون دالرینی واردات تشکیل بیرهدی.»
سونگی ایکی ییل ده اسلام امیرلیگی نینگ حاکمیتیده، افغانستان صادراتی جمهوریت توزومی گه نسبتن آشگن، افغانستان کوپراق تاش کومیر و ایکینچیلیک محصولات صادر قیلگن.
برچهسی بیلن، افغانستان سوداگرلیک و سرمایه یاتقیزیش اتاقی گه کوره، افغانستان نینگ صادرات میزانی حکومتی منبعلر تامانیدن بیریلگن معلومات دن کوره کمراق بیریلگن؛ مذکور اتاق نینگ معلوماتی اساسیده، افغانستان سونگی ۱۱ آی ده بیر میلیارد ۶۰۰ میلیون دالر دن آرتیق صادر قیلگن، صناعت و سوداگرلیک وزیرلیگی تامانیدن شریک قیلینگن رقم دن کوره ۱۰۰ میلیون دن آز دیر.
بیزلرنینگ «ایکس» ترماغی ده هم تعقیب قیلینگ!
گرچند افغانستان سوداگرلیک و سرمایه یاتقیزیش اتاق اعضالریدن خانجان الکوزی، افغانستان نینگ صادرات رقمینی مثلسیز دیسه ده، بیراق تجارت بولیمیده حاضرگی شرایط گه قرهگنده قانیقرلی بیلهدی. اونگه کوره، افغانستان نینگ صادرات جریانی اونگیدهگی قیینچلیکلر حاضرگچه حل بولمهگن.
او نینگ کوپهیتیریشیچه: «مملکت تن آلینیب و سیاسی قیینچیلیکلر حل بولمسه، هوایی کریدورلر فعال بولمهی و باشقه قیینچیلیکلر هم حل بولمهیدی، شونینگدیک بانکی چیکلاولر ایریم قیینچیلیکلر گه سبب بولگن.»
ایتیش کیرهک، افغانستان اوتگن ییل ده قریب ایکی میلیارد دالرلیک توار صادر قیلگن ایدی، اوشبو ییل ده تاش کومیر، ایکینچیلیک محصولات و قالین اوشبو صادرات نینگ اکثریتینی تشکیل بیرهدی.