صناعت و سوداگرلیک وزیرلیگی، اوتگن بیر ییل ده افغانستان نینگ صادراتی ۸۵ فایز آشیشیدن خبر بیریب ایتیشیچه، اوشبو ییل ده مملکت نینگ صادراتی بیر میلیارد ۸۰۰ میلیون دالر گه ییتگن.
مذکور وزیرلیک سوزلاوچیسی عبدالسلام جواد آخوندزاده نینگ سلام‌وطندار گه ایتیشیچه: «اوشبو ییل ده یعنی ۱۴۰۱_ییل ده اولکه صادراتی بیر میلیارد ۸۰۰ میلیون دالر گه ییتگن، اوتگن ییل گه نسبتن کوپه‌یشینی کورسته‌دی.»
بیزلرنینگ فیسبوک صحیفه‌میزگه باش اورینگ!
مالیه وزیرلیگی گه کوره، اوتگن بیر ییل ده تاش کومیر گمرکی درآمدی ۱۲ میلیارد ۱۴۳ میلیون افغانی گه ییتگن.
باشقه تاماندن، بیلیم یورتی اوقیتووچیسی بهیر زلاند، ایچکی نیازلر اوستون قرار بیریلیشی اوستیگه تأکیدلب ایتیشیچه، ایچکی منبع‌لر اصراف بولمسلیگی کیره‌ک.
او نینگ کوپه‌یتیریشیچه: «صادرات؛ ایچکی منبع‌لر گه نیاز یوق‌لیگی، ساتیب و اوزیمیزنی محتاج قیلیش معناسی گه ایمس. ایچکی نیازمندلیکلرنی پوره قیلیب و کیین صادر قیلیش لازم.»
شو بیلن بیرگه، اقتصادی ایش بیلرمان آمنه هاشمی نینگ ایشانچی گه کوره، صادرات و ایچکی منبع‌لر کنترول بولمسلیگی باعث اولکه بویلب قشاق‌لر سانی آشماقده.
بیزلرنینگ توییترده هم تعقیب قیلینگ!
او نینگ کوپه‌یتیریشیچه: «صادرات کنترول بولمه‌یدی. درست که صادرات درآمدی یخشی دیر؛ افغانستان خلقی نینگ اقتصادی اوستیگه ۴۰ و ۵۰ فایز تأثیر قیلیشی کیره‌ک ایدی. لیکن کونسه‌یین قشاق‌لر سانی کوپه‌یشی گه گواه‌میز. منبع‌لر و صادرات یخشی باشقریلسه ایدی، قشاق‌لر سانی کمه‌یشی ممکن ایدی.»
اوتگن بیر ییل ده اولکه مقیاسیده قشاق‌لر سانی آشیب و انسان پرورلیک یاردم‌لر گه نیازمندلر سانی ۲۳ میلیون دن ۲۸ میلیون گه ییتیشگن بیرحالده، افغانستان نینگ صادرات میزانی ۸۵ فایز کوپه‌یگن.
