پاکستان باش وزیری انوارالحق کاکر، شنبه کونی امریکا آوازی اردو بولیمی بیلن اوتکزگن صحبتیده، پاکستان لازم بولگن تقدیرده افغانستان ده حربی عملیات یولگه قوییش سوالی گه جواب ایتیشیچه، پاکستان معین زمان ده حربی عملیات یولگه قویه‌دی.
پاکستان باش وزیری انوارالحق کاکر نینگ ایتیشیچه: «پاکستان اوزیدن مدافعه قیلیش گه حقلی دیر، مملکت و فقرالر اوچون لازم بولگن حرکت نی قیله‌میز. قنده‌ی عملیات‌لیگی حقیده هیچ نرسه دیمه‌ی من، بیراق وقتیده نیمه قیلیش اوچون بیر قرار گه کیله‌میز.»
بیزلرنینگ فیسبوک صحیفه‌میزگه باش اورینگ!
عین‌حالده، اسلام امیرلیگی سوزلاوچیسی ذبیح‌الله مجاهد، پاکستان باش وزیری نینگ بیاناتیدن خبرسیزلیگینی بیلدیریب ایتیشیچه، افغانستان توپراغی گه حربی اقدام بولگن تقدیرده، اسلام امیرلیگی جواب قیتیریش گه تیار دیر.
او نینگ کوپه‌یتیریشیچه: «پاکستان باش وزیری نینگ بو سوزلرینی ایشیتگنیم یوق بیراق افغانستان گه حربی اقدام بولگن تقدیرده، اسلام امیرلیگی اوزیدن مدافعه قیلیش اوچون جواب قیتره‌دی و پاکستان رسمی‌لری گه ایچکی مسئله‌لرینی اولکه‌لریده حل قیلیب و باشقه‌لرنی عیبله‌مسلیککه مصلحت بیره‌من.»
سیاسی ایش بیلرمان‌لردن بیرقطاری نینگ ایتیشلریچه، پاکستان بویوک قدرت‌لردن امتیاز آلیش اوچون هردایم افغانستان وضعیتیدن خواطر بیلدیره‌دی.
سیاسی ایش بیلرمان جاوید مومند نینگ ایتیشیچه: «پاکستان پول اوچون کمیشن‌کارلیک قیلیش مقصدیده بهانه قیلماقده، پاکستان منطقه ده بیر کمیشن‌کار دیر و پول قولگه کیریتیش اوچون بو کبی ایشنی کوپ قیله‌دی.»
بیزلرنینگ توییترده هم تعقیب قیلینگ!
سیاسی ایش بیلرمان‌لردن باشقه بیری عبدالقادر قانت گه کوره، پاکستان افغانستان گه حربی هجوم قیلیش گه کوچی ییتمه‌یدی.
او نینگ کوپه‌یتیریشیچه: «پاکستان نینگ افغانستان ده منفعتی تأمین بولمسه آگاه‌لنتیره‌دی و فکریمچه بیر تهدید دیر و پاکستان هیچ قچان بو حرکت نی قیله آلمه‌یدی.»
برچه‌سی بیلن، اوتگن کونی اکسپرس تریبون بیلن صحبت اوتکزگن رسمی منبع‌لر، پاکستان و اسلام امیرلیگی ارا کیسکین‌لیک‌لر اصلی عاملینی، اسلام امیرلیگی نینگ پاکستان‌لیک طالبلر تحریکی (تی‌تی‌پی) جنگری‌لری گه قرشی اقدام قیلمسلیک عنوان قیلگنلر.
