اروپا پارلمانیده ایرلند نمایندهسی کلر دالی، دنیا جماعهسی تامانیدن افغانستان فاجعهسی نینگ اونوتیلگنیدین تنقید قیلیش بیلن، اوشبو اقدام نی «نژادپرستلیک» دیب و اورغولشیچه، مذکور مملکت یشاوچیلری نینگ وضعیتی یمانلنماقده دیر؛ بیراق بوندن هیچ بیر سوز بیان بولمهیدی.
اونینگ کوپهیتیریشیچه، حاضر افغانستان یشاوچیلریدن اونلرچهسی ییمک و تینچلیک اختریش اوچون مملکتلری نی ترک قیلیش گه زورلنگنلر و ۵ میلیون باله ایسه قحطچیلیک و اولیم خطری بیلن روپهرو دیر. شونینگدیک اروپا پارلمانی نینگ اعضاسی افغانستانده کیچیک بالهلر نینگ تورموش گه بیریش و افغانستانده بالهلر نینگ ساتیلیشی کوپهیگنیدن خواطر بیلدیرگن.
بیزلرنینگ فیسبوک صحیفهمیزگه باش اورینگ!
دالی نینگ کوپهیتیریشیچه: «افغانستان حقیده لحظه به لحظه تلویزیونی خبر یوق، عاجل انسانی عکسالعمللر یوق، خاص ییغینلر یوق و حتی اوشبو ییغینده هم افغانستان گه هیچ بیر اشاره بولمهگن و مذکور مملکت حقیده هیچ بیر بیانیه صادر بولمهگن.»
اروپا پارلمانی نینگ ایرلندلی نمایندهسی نینگ ایتیشیچه، افغانستان یشاوچیلری تعجب قیلیشلری کیرهک که نیمه نرسه اولر نینگ انسانی فاجعهلری نی بیارزش قیلگن، «اولر نینگ تیریلری نینگ رنگی اوچون می؟ اولر نینگ تیریلری آق بولمهگنی اوچون می؟ اروپایی بولمهگنلری اوچون می؟ یا-ده اولر نینگ قیینچیلیکلری آمریکا هجومیلری باعث، ایجاد بولگنی اوچون می؟.»
بیزلرنینگ توییترده هم تعقیب قیلینگ!
شونینگدیک بوندن آلدین، خلقارا قوتقریش کمیته بیر اعلامیه ترقهتیب ایتگن ایدی که، دنیا اوکراین فاجعهسی گه توجه قیلیش بیلن، افغانستان نی اونیتمهیشی کیرهک.
مذکور نهاد، دنیا گه اوشبو چیقگن فرصتدن فایدهلنیش بیلن افغانستانده قحطچیلیک، یشاوچیلر نینگ جانی نی قوتقریش و عیاللر و قیزلر برابریدهگی دهشتلی شرایط گه توسیق بولیش اوچون تیز شکلده قوللنیشی نی اورغولگن ایدی.