روسیه مملکتی‌نینگ جمهور رییسی ولادیمیر پوتین‌نینگ ایتیشیچه، آمریکالیک کوچلرنینگ افغانستان ده قالیشی اوشبو مملکت نینگ امنیتی‌تامین‌لنیشی اوچون فایده‌لی دیر.
پوتین جنابلری اوتگن کون (یک‌شنبه ۴- عقرب) روسیه مملکتی نینگ «بیر» تلویزیونی بیلن بیر سوزلشوو اوتکزیب بونده‌ی بیانات بیرگن.
اونینگ ایتیشیچه، مسکو باشدن آمریکالیک کوچلرنینگ افغانستان ده قالیشی گه طرفدار ایدی و بوندن آلدین خلق ارا تشکیلاتی نینگ خوفسیزلیک کینگشی نینگ قطع‌نامه‌لریگه ایجابی آواز بیرگن ایدی.
اونینگ کوپه‌یتیریشیچه، آمریکا نی حضوری افغانستانده اولرنینگ تشقی منفعت‌لریگه قرشی ایمس.
پوتین: «آمریکالیک کوچلر افغانستاندن چیقیب کیتیشی اوچون تیارگرلیک آلگنلرینی ییشیتیب، بو موضوع خوش قرشی‌لب و افغانستانده تینچ‌لیک تامین‌بولیش اوچون ایجابی بیر قدم بیلدیک، بیراق مینینگ شخصی توشونچه‌م گه کوره، بو چیقیش افغانستان‌نی امنیتی اوچون خواطرلنتیروچی دیر.»
اوچ هفته آلدین آمریکا جمهور رییسی دونالد ترامپ، آمریکالیک کوچلرنینگ برچه‌سی کریسمس‌گچه افغانستان نی ترک قیلیشی نی سوره‌گن ایدی.
جناب ترامپ بیر توییت یازیب ایتیشیچه: «بیز بو شجاع عیال و ایرکک‌لریمیز نینگ کریسمس‌گچه آمریکا گه قیته‌ریشیمیز کیره‌ک.»
بوندن آلدن آمریکا بیر اعلامیه ترقه‌تیب ایتیشیچه، نوامبر آیی‌گچه آمریکالیک کوچلرنینگ رقمی افغانستانده ۴ الی ۵ مینگ کیشی‌گه کمه‌یشی ممکن.
ترامپ‌نینگ ۲۰۱۶- ییل سیلاوی کمپاینی ده بیرگن وعده‌لریدن بیری آمریکالیک کوچلرنینگ اوروش دوام ایتیب کیله‌دیگن مملکت‌لردن چیقاریش ایدی و حاضر او ینه بیر مرته اوزینی نامزد قیلگن و شو یوزه‌دن مذکور وعده‌سینی عمل گه آشیریش اوچون سعی و حرکت قیله‌دی.
حاضر افغانستان ده آمریکالیک کوچلرنینگ سانی ۸۶۰۰ کیشی گه ییتیشه‌دی.
