آمریکا جمهور رئیسی دونالد ترامپ نینگ ایتیشیچه، آمریکا حربیلری نینگ جاری ییل اداغیگچه افغانستاندن چیقاریلیشی ممکن.
اوتگن “چهارشنبه” جناب ترامپ نینگ توییتر صحیفهسیده یازیشیچه: « افغانستانده خذمت قیلهدیگن باتور ایرکک و عیال حربیلریمیزنی کریمس گهقدر اوشبو مملکتدن چیقیشلری کیرهک.»
شونینگدیک، آمریکا ملی خوفسیزلیک مصلحتچیسی رابرت اوبراین نینگ ایتیشیچه، آمریکا نینگ افغانستانده بولگن حربیلرینی میلادی 2021- ییل گهقدر 2500 گه کمهیتیریلیشی ممکن.
جناب اوبراین نینگ ایتیشیچه: «ترامپ 2017- ییل قدرتگه قول تاپگنیده 10 مینگ دن آرتیق آمریکالیک حربی افغانستانده فعالیت قیلهریدی. حاضرده اولرنینگ سانی 5 مینگ کیشیکه کمهیگن و کیلهسی ییلگچه 2500 حربیگه کمهیشی ممکن.»
بوندن آلدین آمریکا مسووللری، جاری میلادی ییل نوامبر آیی گهقدر آمریکا حربیلری نینگ سانی 4 یا-ده 5 مینگ کیشیگه کمهیشینی اعلان قیلگن ایدی.