بوگون (۲۹ میزان/۲۱ اکتوبر، چهارشنبه) اوزبیک تیلی‌نینگ ملی کونیگه تینگ. بوکوندن افغانستان شامل دنیانینگ تورلی شهر و بورچک‌لریده طنطنه‌لی شکلده نشانلنماقده.
اوشبو مناسبت بیلن بولیب اوتگن مدنی-ادبی تدبیرلرده اشتراک ایتگنلر، کوپراق بو تیل‌نینگ اهمیتی، رواجلنیشی، یوکسه‌لیشی، دولت اداره‌لریده بو تیلده خبر و بیانات‌لر ترقه‌تیلیشی، مکتبلرنینگ کتابلریگه توجه قیلینیشی گه تأکید ایتگنلر.
فاریاب مرکزی میمنه شهریده اوشبو مناسبت بیلن اوتکزیلگن تدبیرده، بیلیم یورتی استادی حسام‌الدین تویغون، دینی مدرسه‌لرده اوزبیک تیلینی اوقیتیلیشی، مکتب کتابلریگه توجه قیلینیشی تکلیف قیلینگنینی بیلدیرگن.
شو بیلن بیرگه، پایتخت کابلده اوتکزیلگن طنطنه‌لی تدبیرده هم بیلیم یورتی استادی عبدالحنان قیلیچ ارسلان، افغانستان‌ده اوزبیک تیلی یخشی تامان باره‌یاتگنینی بیلدیرسه-ده، بیراق بونی ییترلی بیلمه‌یدی. او دولت رسمی‌لریگه مراجعت قیلیب، اوزبیک تیلیده کتابلر یازیلیشی، چاپ ایتیلیشی، شاعر و یازووچیلر قوللب-قوتلنیشی همده اوزبیک خلقی‌نینگ کیملیگینی، تاریخینی، ادبیاتینی رواجلنتیریش اوچون یوقاری درجه‌ده سپوزیملر اوتکزیشلرینی سوره‌گن.
ایسله‌تیب اوته‌میز ایلگری، ۲۹-میزان اوزبیک تیلی ملی کونیدن فقط پایتخت کابل و بعضی ولایت‌لرنینگ مرکزلریده نشانلنیلر ایدی بیراق، استه-سیکین تیلگه قیزیقیش آشگن حاضر تومنلر و حتا قیشلاقلرده هم نشانلنماقده.
