اسلام امیرلیگی سوزلاوچیسی ذبیح‌الله مجاهد، پاکستاندهگی بی‌ثباتلیک‌لرده افغانستان‌نینگ قولی بارلیگی حقیده بو مملکت‌نینگ عیبلاولرینی رد ایتیب، قوشنی مملکت‌ده بی‌ثباتلیک اقتصادیات، اجتماعی و انسانی جهتدن افغانستان گه زیان ییتکزیشینی بیلدیردی.
ذبیح‌الله مجاهد، بیر بیانیه ترقه‌تیب، پاکستان رسمی‌لری‌نینگ افغانستان گه قرشی عیبلاولرینی تکراری دیب، و اونی قطعی رد ایتگن.
مجاهدنینگ ایتیشیچه، پاکستان‌نینگ بعضی حربی و امنیتی اداره‌لری، بو مملکت امنیتینی تأمینلشده قیینچیلیک‌لر بیلن دوچ کیلگنده، «خلق‌نی الده‌ش» مقصدیده بی‌ثباتلیک واقعه‌لری اوچون اسلام امیرلیگینی مسئول دیب کورسه‌تیشگه اورینه‌دی.
اسلام امیرلیگی سوزلاوچیسی، پاکستان‌ده بی‌ثباتلیک افغانستان‌نینگ منفعتی گه ایمس و اوشبو مملکت باشقه مملکتلرده ناتینچلیکلرنی قوللب-قوتلش یا که بی‌ثباتلیک کیلتیریش گه ییترلی امکانیتی یوقلیگینی قید ایتگن.
مجاهد، شونینگدیک پاکستاندهگی بی‌ثباتلیک قوشنی مملکت صفتیده افغانستان و منطقه اوچون اقتصادی، اجتماعی و انسانی جهتدن سلبی تأثیر قیلیشینی ایتگن.
او، پاکستان رسمی‌لرینی اسلام امیرلیگینی عیبلش اورنیگه، اوزلری‌نینگ امنیت تأمین ایتیش مسئولیتلریگه کوپراق توجه قره‌تیشلرینی ایسته‌گن.
افغانستان و پاکستان اورته‌سیده‌گی مناسبت‌لر سونگی ییللرده امنیت مسئله‌لری، قوراللی گروه‌لر فعالیتی و چیگره‌لر تهدیدلری اوچون کیسکین‌لشگن.
پاکستان رسمی‌لری، نیچه بار افغانستان توپراغیده پاکستان گه قرشی فعالیت یوریته‌یاتگن قوراللی گروه‌لر بارلیگی باره‌سیده تشویش بیلدیرگن؛ بیراق اسلام امیرلیگی بو عیبلاولرنی رد ایتیب کیلگن.
