محلی رسمیلر، هائیتی پایتختی پورتوپرنس شهرینینگ جنوبیدهگی کنسکوف حدودیده قوراللی گروهلرنینگ ایکینچلیک حدودیگه هجومی عاقبتیده کمیده ۳۰ کیشی هلاک بولگنیدن خبر بیردیلر.
الجزیره نشری، بوگون (۳ سنبله/۲۵ اگست، سهشنبه) محلی رسمیلرگه اساسلنیب گزارش بیریشیچه، قوراللی شخصلر یشش اویلرنی یاقیب یوبارگن و اهالینی اولدیریش آرقهلی بو حدوده «ترتیبسیزلیک» کیلتیریب چیقرگن.
گزارشگه کوره، قوراللی گروهلر پورتوپرنس شهرینینگ قریب ۷۰ فایزینی نظارت قیلماقده.
شونینگدیک، بیرلشگن ملتلر تشکیلاتینینگ معلوماتلریگه کوره، قوراللی زورهوانلیکلر حاضرگچه هائیتیده ۱.۵ میلیون کیشینی اوز اوی-جایلرینی ترک ایتیشگه مجبور قیلگن. جاری ییلنینگ جنوری آییدن جون آییگچه اوچ مینگ ۱۰۰ دن آرتیق کیشی هلاک بولگن و ینه بیرمینگ ۱۸۹ کیشی یرلنگن.
