سلام‌وطندار اختیاریگه قرار تاپگن معلومات‌لرگه کوره، سونگی بیر ییل جریانیده امنیتی تهدیدلر و اقتصادی قیین‌لیکلر سبب، کمیده ۳۰ میدیا نینگ فعالیتی توخته‌تیلگن.
مذکور معلومات‌لرگه کوره، اوتگن بیر ییل جریانیده مملکت ۱۳ ولایتیده ۵ کوریله‌دیگن، ۹ تینگلنه‌دیگن و ۱۶ چاپی میدیا فعالیتی‌نی توخته‌تیب قوییگن.
سلام‌وطندار اختیاریگه قرار تاپگن معلومات‌لرگه کوره، اوتگن بیر ییل جریانیده هرات ده ایکی کوریله‌دیگن میدیا پروانده ۳ کوریله‌دیگن میدیا فعالیت‌لرینی توخته‌تگن.
عین‌حالده، تینگلنه‌دیگن میدیالردن ۲ ته‌سی فاریاب، ۲ ته‌سی بدخشان، ۱ ته‌سی هرات، ۱ ته‌سی لوگر، ۱ ته‌سی غزنی، ۱ ته‌سی قندوز و باشقه بیر ته‌سی قندهار ولایتیده بیر ییلدن بویان فعالیت قیلمه‌یدی.
شونینگدیک، فراه، غور، نیمروز، بادغیس و بدخشان ولایت لریده ۱۶ چاپی میدیا فعالیت‌لرینی توخته‌تیب قوییگن.
افغانستان ایرکین میدیالریدن حمایت قیلیشووچی نهاد یا-ده نی دفتری مسوولی مجیب خلوتگرنینگ ایتیشیچه، امنیتی تهدیدلر سبب، بیرقطار میدیالرنینگ فعالیت‌لری توخته‌تیلگن و شونینگدیک، اوتگن بیر ییل جریانیده میدیا ایشلاوچی‌لریدن کوپ قطاری ایش‌لرینی قوییب و اولردن بیرقطاری چیت‌ایللیک مملکت‌لرگه کیتگنلر.
عین‌حالده، افغانستان خبرچی‌لری نینگ خوفسیزلیگی‌نی سقلش کمیته‌سی مسوولی صدیق‌الله توحیدی نینگ ایتیشچه، زوروانلیکلر کوپه‌یشی و امنیتی تهدیدلر سبب، ۳۰۰ ته‌سی عیال و ۷۰۰ ته‌سی ایرکک بولگن میدیا ایشلاوچی‌لریدن۱ مینگ ته‌سی ایش‌لرینی قوییب یوبارگن و اولردن بیرقطاری چیت‌ایللیک مملکت‌لرگه کیتگنلر.
افغانستان خبرچی‌لری نینگ خوفسیزلیگی نی سقلش کمیته‌سی مسوولی نینگ ایتیشیچه، خبرچی‌لرگه قرشی زوروانلیکلرنینگ کوپه‌یشی خواطرلنترووچی دیر و انه‌شوو سبب، خبرچیلردن بیرقطاری مملکت‌نی ترک قیلگن.
افغانستان حکومتی و طالبان گروهی آره‌سیده تینچلیک سوزلشوولر باشلنگنیدن بوبان زوروانلیکلر و هدف‌لی ترورلر سابقه‌سیز شکلده کوپه‌یگن.
