بوگون (سهشنبه ۲۰- عقرب) افغانستان ایرکین میدیالریدن حمایت قیلووچی نهاد یا-ده «نی» خبری بیر ییغین آرقهلی، مملکتده معلومات گه قول تاپیش وضعیتی و خبرچیلرگه قرشی زوروانلیکلر کوپهیشی خصوصیده بولگن معلوماتی نی شریک قیلگن.
افغانستان ایرکین میدیالریدن حمایت قیلووچی نهاد باشلیغی عبدالمجیب خلوتگر بو حقده اوز خواطری نی بیلدیریب ایتیشیچه، معلومات گه قول تاپیش حاضر هم میدیالرنینگ برابریدهگی قیینچلیکلردن دیر و بو نهاد نینگ تیکشیروولریگه کوره، رسانه و سوز ایرکینلیگی برابریده حکومت نینگ فکری اوزگرگن.
خلوتگر نینگ کوپهیتیریشیچه، گرچند طالبان و داعش سوز ایرکینلیگی و رسانهلرنینگ دشمنی حسابلنهدی و حکومت معلومات گه قول تاپیش و خبرچیلرنینگ خوفسیزلیگی نی تأمینلش خصوصیده اقدام قیلمهگن صورتده، دولت هم سوز ایرکینلیگی نینگ دشمنی صفتیده تانیلیشی نی احتمالی بار.
افغانستان ایرکین میدیالریدن حمایت قیلووچی نهاد گه کوره، خبرچیلرگه قرشی زوروانلیکلر میزانی کمهیگن بیراق، خبرچیلرگه قرشی فزیکی زوروانلیک کوپهیگن و بو، معلومات ییتکزیش نی قیینچیلیک بیلن روپهرو قیلگن.
مذکور نهاد مسئوللری نینگ ایتیشلریچه، بیرینچی ده تینچلیک پروسهسیگه تیگیشلی ادارهلر و اوندن کیین جمهورلیک ریاستی، مالیه وزیرلیگی و اقتصاد وزیرلیگی معلومات نی خبرچیلرنینگ اختیاری گه قرار بیرمهیدی.
افغانستان ایرکین میدیالریدن حمایت قیلووچی نهاد نینگ ایتیشیچه، کرونا ویروسی نینگ کینگهیشی میدیالرنینگ فعالیتی اوستیگه سلبی تأثیر قویگن و جاری ییل جریانیده ۲۰۰ رسانه باغلنگن.