اسلام امیرلیگی بوگون (یکشنبه، ۵-حمل) حکومت یېتکرمه‌لر مرکزی ده سرپرست حکومت ییریک رسمی‌لری و کابینه اعضالری نینگ حضوری بیلن، برق ایشلب چیقریش و سوداگرلیک مرکزلرنی قوریش بولیم‌لریده تورت میلیارد افغانی‌لیک تورت لایحه شرطنامه‌سینی خصوصی شرکت‌لر بیلن امضاله‌گن.
بو لایحه‌لر کابل ولایتی سروبی تومنیده ۲۳ میگاوات سولری برق ایشلب چیقریش، هرات‌ده ایکّی برق سب‌استیشن قوریلیشی و کابل کوته‌ی سنگی منطقه‌سیده سوداگرلیک بیر مرکز قوریلیشی و شونینگدیک هلمند ولایتی‌ده سودا و یشش بیر مرکز قوریش شامل دیر.
مسئوللر گه کوره، بو لایحه‌لر دولت ییرلری‌ده عملگه آشیریلیب و شرطنامه امضاله‌گن شرکت‌لر فایده‌لنیشگه تاپشیریش‌دن اون ییل‌دن سۉنگ، بو لایحه‌لرنی حکومت گه تاپشیره‌دی.
بیزلرنینگ فیسبوک صحیفه‌میزگه باش اورینگ!
ایش اداره‌سی سرمایه یاتقیزیش ایشلرینی قولی‌لشتیریش اداره باشلیغی احمدضیا خالد نینگ ایتیشیچه: «بو تورت لایحه دن ایکیته‌سی برق ایشلب چیقریش دیر برشنا شرکتی بیلن امضالنیشی کوتیله‌دی و باشقه ایکّی مشارکتی لایحه دولت اداره‌سی و خصوصی سکتور اداره‌لری بیلن امضالنه‌دی.»
مسئوللر نینگ ایتیشلریچه، بو لایحه‌لر بودجه کسری کبی اقتصادی قیینچیلیک‌لر حل اېتیلیشی مقصدیده امضالنگن، مملکت نینگ بیر قطار ولایت‌لری‌ده دولت گه عاید ییتّی مکان‌ده سرمایه یاتقیزیلیشی اوچون خصوصی شرکت‌لر بیلن شرطنامه امضالنیشی کوتیله‌دی.
بیزلرنینگ «ایکس» ترماغی ده هم تعقیب قیلینگ!
مالیه وزیرلیگی نینگ پالیسی معینی سلطان محمد زبیر نینگ ایتیشیچه: «دولت گه عاید باشقه ییتّی ملکیت نی اعلان گه بیرگن‌میز، بیر ملکیت ننگرهار ده، ایکی ملکیت سمنگان‌ده، ایکّی ملکیت مزارشریف ده، بیر ملکیت شبرغان شهری‌ده و باشقه بیر ملکیت فاریاب ولایتی قیصار تومنیده دیر که اعلان گه بیریلگن.»
برچه‌سی بیلن، اسلام امیرلیگی رسمی‌لری افغانستان‌ده سرمایه یاتقیزیش زمینه‌سی یره‌تیلیشیدن ایشانچ بیریب و مملکت‌ده سرمایه یاتقیزووچیلر نینگ سرمایه یاتقیزیش گه علاقه‌سی کوپه‌یگنینی اېته‌دیلر.
اسلام امیرلیگی ایش اداره‌سی عمومی باشلیغی نورالحق انور گه کوره: «بونده‌ی شرایط ده سرمایه یاتقیزووچیلر کېلیب سرمایه یاتقیزه‌دیلر، سرمایه دن فایده‌لنیش اوچون یخشی فرصت دیر.»
شونینگدیک سوو برق وزیرلیگی سرپرستی عبداللطیف منصور نینگ ایتیشیچه: «بو ییرگه تشریف بویرگن سرمایه یاتقیزووچیلر اخلاص و شفافیت بارلیگینی کوردیلر، شونی اوچون کونسه‌یین سرمایه یاتقیزووچیلر سانی آشماقده.»
سرپرست حکومت بو تورت لایحه شرطنامه‌سینی عین‌حالده امضاله‌ماقده، حاضرگی کونده افغانستان برق ایشلب چیقریش بولیمیده اۉزینی اۉزی تأمینله‌ی آلمسلیگی اوچون برق ییتیشمسلیک قیینچیلیگی بیلن دوچ دیر.
