اسلام امیرلیگی کانلر و پترولیم وزیرلیگی، قندوز قلعهزال تومنی «آلتین کانی»نی قزیب آلیش شرطنامهسی امضالنگنیدن خبر بیردی.
اوشبو وزیرلیک، بوگون (۲۰ ثور/۱۰ می، یکشنبه) ایکس صحیفهسیده بیر بیانیه ترقهتیب، قندوز قلعهزال آلتین کانینی قزیب آلیش شرطنامهسی، کانلر و پترولیم وزیری هدایتالله بدری تامانیدن، «سبحان مومند» و «ریف گروپ» کمپنیهلری بیلن امضالنگنینی معلوم قیلدی. بیانیه گه کوره، اوشبو شرطنامه بیش ییللیک بولگن.
بیانیه اساسیده، قلعهزال آلتین کانی ۵.۹۷ کیلومتر ییرده بولیب و اونینگ قزیب آلینیشی اوچون ۲۰ میلیون ۲۴۰ مینگ دالر سرمایه کیریتیلهدی.
مذکور کمپنیهلر، افغانستانده اجتماعی خذمتلر بولیمیده ۲۰۰ مینگ دالر صرفلب و ۱۰۰ کیشینی مستقیم و نامستقیم طرزده ایش بیلن تأمینلهیدی.
کانلرنی قزیب آلیش، افغانستان اوچون درآمدلی منبع گه ایلنگن و اسلام امیرلیگی سونگی تورت ییل دوامیده بو بولیمده سرمایه کیریتیشنی آشیریش گه سعی-حرکت قیلیب کیلگن.
