کمیده بیش آی آلدین قطر پایتختی دوحهده، افغانستان حکومتی و طالبان گروهی نینگ هیأتلری آرهسیده یوزمهیوز سوزلشوو باشلندی؛ بیراق مذکور سوزلشوولر حاضرگچه اهالی اوچون ایجابی بیر نتیجه بیرمهگن.
مذکور وضعیت دوامی ده نمایندهلر کینگش اعضاسی میر رحمان رحمانی ییتکچیلیگیده تینچلیک کمیسیونی نامیده بیر کمیسیون ایجاد قیلدی.
مذکور کمیسیون باشلیغی میررحمان رحمانی نینگ ایتیشیچه، تینچلیک سوزلشوولری نابیللی دلیللر باعث کیچیکتیریلگن. جناب رحمانی گه کوره، بوندن کیین نمایندهلر کینگش اعضاسی تینچلیک پروسهسیگه تیگیشلی هر قندهی موضوع دن باخبر بولیشلری کیرهک.
نمایندهلر کینگش باشلیغی نینگ کوپهیتیریشیچه، تینچلیک پروسهسیده حکومت و طالبان گروهی بیربیراولرینی سیکینلیک و کیچیکیش گه عیبلهیدی.
جناب رحمانی نینگ ایتیشیچه، حکومت و طالبان گروهی نینگ رهبرلیگی قدرت گه ایریشیش اوچون اهالی نینگ ایستهگی نی نظر گه آلمهگن. اونگه کوره، نمایندهلر کینگشی نینگ تینچلیک کمیسیونی تینچلیککه ایریشیش اوچون کوپینچه سعی و حرکت قیلهدی.