۹ یاشیده بولگن عبدالرووف کمیده ۶ آی آلدین آدم اوغیرلاوچی‌لر تامانیدن اوغیرلنگن و حاضرگه‌قدر اوغیرلاوچی‌لر نظارتی‌گه دیر و ینگی‌لیکده اونینگ آدم اوغیرلاوچی‌لر تامانیدن قیناققه سالینیش سیسی اجتماعی ترماقلرده قولمه‌قول بولگن
آدم اوغیرلاوچی‌لر عبدالرووف نام‌لی ۹ یاشر باله نینگ آزاد ایتیلیشی‌گه قرشی اونینگ عایله‌سیدن پول طلب قیلگنلر.
اوغیرلنگن باله نینگ آته‌سی محمد نبی نینگ ایتیشیچه، بو سیس‌نی اوتگن کونی یوبارگن‌لر و آدم اوغیرلاوچی‌لر باله‌سی نینگ قوییب یوباریلیشی‌گه قرشی بیر میلیون و ۲ یوز مینگ دالر ایسته‌گنلر. او، حکومت و امنیتی نهادلرنینگ ایش‌سیزلیگی‌دن تنقید قیله‌دی.
عبدالرووف نینگ عایله اعضالری و اقارب‌لری ۶ آیی‌دن بویان بلخ ولایت مقامی برابریده تحصین خیمه‌سی قوریب اونینگ آزاد ایتیلیشی‌نی ایستب کیلماقده، لیکن حاضرگه‌قدر اوشبو باله نینگ قییر ده بولگنی و کیم‌لر تامانیدن اوغیرلنگنی خصوصیده هیچ‌قنده‌ی معلومات یوق.
عبدالرووف نینگ اقارب‌لریدن بیری خانم حمیده نینگ آگاه‌لنتیریشیچه، حکومت اولر اعتراض‌لریگه دقت قیلمه‌گن صورتده، اعتراض‌لرینی کینگی‌تیریش‌لری ممکن.
عین‌حالده، اجتماعی ترماقلر ایشلاوچی‌لری، عبدالرووف نینگ اوغیرلنیشی‌گه قرشی عبدالرووف قییرده؟ نامی‌ده بیر کمپاین یولگه قوییب افغانستان یشاوچی‌لریدن اوشبو باله‌نی آزاد قیلیش اوچون بیر-بیر دالر یاردم بیریش‌لرینی سوره‌گنلر.
بلخ محلی مسووللری، مذکور اوغیرلنگن باله نینگ کیم‌لر تامانیدن اوغیرلنگنی خصوصیده بیللی معلومات بیرمه‌گنلر.
بلخ حاکمی فرهاد عظیمی نینگ ایتیشیچه، اوشبو باله نینگ قوتقریش اوچون پولیس و ملی خوفسیزلیک کوچلری قوشمه شکلده سعی و حرکت قیلماقده‌لر.
کمیده ۶ آی آلدین پولیس کیمی‌ده بولگن آدم اوغیرلاوچی‌لر ۹ یاشیده بولگن عبدالرووف نی مزارشریف شهری نینگ ۴- ناحیه‌سیدن اوغیرلگنلر و حاضرگه‌قدر اولرنینگ نظارت‌لریگه دیر.
