یمن حوثی‌لری، سعودی عربستان‌نینگ ییریک نفت آست قوریلمه‌لریگه بالستیک راکت‌لر و درون‌لر آرقه‌لی ضربه بیرگنینی معلوم قیلدی.
خلق‌ارا ییتکرمه‌لر، بوگون (۱۲-میزان/۴-اکتوبر، یک‌شنبه)، حوثی‌لر سوزلاوچیسی یحیی سریع گه اساسلنیب ایتیشلریچه، بو هجوملر سعودی عربستان‌نینگ اوشبو گروه نظارتیده بولگن حدودلرگه اویوشتیرگن هجوملریگه جواباً عملگه آشیریلگن.
حوثی‌لر سوزلاوچیسی، سعودی عربستان گه قیلینگن هجوم دقیق طرزده عملگه آشیریلگنی و اونینگ نتیجه‌سیده کینگ کولملی یانغین چیققنینی قوشیمچه قیلگن.
یمن دولتی و حوثی‌لر اورته‌سیده‌گی کیسکین‌لیک، سونگی بیر آی ایچیده کوچه‌یگن و حوثی‌لر تامانیدن بیریلگن معلومات‌لر اساسیده، یمن دولتی فقط اوتگن ۲۴ ساعت ایچیده بو گروه نظارتیده بولگن حدودلر گه هوا آرقه‌لی ۶۰ هجوم اویوشتیرگن.
