کابل و باشقه ولایتلر طالبان نظارتیگه اوتگنیدن سونگ، طالبان سوزلاوچیسی ذبیحالله مجاهد اوتگن کونی خبری بیر ییغین اوتکزیب ینگی حکومت رهبرلیک و کابینه اعضاسی نینگ فهرستینی نشر قیلدی.
طالبان تامانیدن نشر ایتیلگن فهرستگه کوره، ملامحمد حسن آخوند ریاست الوزرا سرپرستی، ملا عبدالغنی برادر و ملا عبدالسلام حنفی اوشبو ریاست اورین باسرلری صفتیده تعیین ایتیلگن.
بیزلرنینگ فیسبوک صحیفهمیزگه باش اورینگ!
اونینگ چیککهسیده، ۱۹ وزیرلیک نینگ سرپرستلری طالبان تامانیدن اعلان ایتیلگن.
بو فهرستده طالبان رهبری ملاهبتالله آخوندزاده دن آت آلینمهگن، لیکن او، طالبان حکومتی نینگ رهبری صفتیده تانیلهدی.
ملا هبتالله، ۲۰۱۶- ییلده ملا اختر منصور هلاک ایتیلگنیدن سونگ، طالبان رهبری صفتیده تعیینلنگن و حاضرگهقدر اسلامی امارت رهبری صفتیده فعالیت قیلهدی. جناب آخوندزاده ۱۹۸۰- ییلده شوروی گه قرشی اوریشگن و ۱۹۹۰- دهه ده طالبان نینگ محکمهسی باشلیغی صفتیده ایشلگن. او، قندهار ولایتیده دنیا گه کیلگن و طالبان نینگ سیاسی، حربی و مذهبی مسوولی دیر.
طالبان کابینهسیده ریاست الوزرا سرپرستی ملامحمد حسن آخوند ۱۹۹۰ دهه ده طالبان گروهی نینگ اساسچیلریدن بیری دیر. او، ۱۹۹۰- دهه ده طالبان حکومتیده باش وزیرلیک اورین باسری و تشقی ایشلر وزیری صفتیده ایشلگن. ملامحمد حسن آخوند قندهار ده دنیا گه کیلگن.
او، طالبان رهبری هبتالله آخوندزاده گه یقین سیمالردن دیر و طالبان نینگ سابق حکومتیگه یخشی اورنی بولگنی باعث، بیرلشگن ملتلر تشکیلاتی تامانیدن تحریم ایتیلگن.
ریاست الوزرا نینگ بیریچی اورین باسری عبدالغنی برادر ارزگانلیک دیر. طالبان نینگ سابق حکومتیده ییریک مقاملرگه فعالیت قیلیب و شمال مقاومتیگه قرشی بولگن اوروشلرگه اونملی اورین اوینهگن. ملا برادر طالبان نینگ سابق رهبری ملا عمر نینگ اورین باسری ایدی و حربی عملیاتلرنی رهبرلیک قیلهریدی و شونینگدیک، ۲۰۰۱- ییلده طالبان نینگ مدافعه وزیری صفتیده ایشلگن.
ملا برادر ۲۰۱۰- ییلده پاکستانده قولگه آلینگن و ۲۰۱۸- ییلده آمریکا نینگ فشاری سبب، پاکستان تامانیدن آزاد ایتیلیب و تینچلیک سوزلشوولر هیاتی عضوی صفتیده ایشگه باشلهگن.
ریاست الوزرا ایکینچی اورین باسری عبدالسلام حنفی جوزجان ولایتیده دنیا گه کیلگن و ۱۹۹۰- دهه ده طالبان حکومتیده معارف وزیرلیگی نینگ اورین باسری صفتیده فعالیت قیلگن و شونینگدیک، نیچه ییل جوزجان مسوولی صفتیده طالبان تامانیدن تعیینلنگن. او، قطر ده طالبان مذاکره قیلووچی هیات عضوی ایدی.
سراجالدین حقانی طالبان کابینهسیده ایچکی ایشلر وزیرلیگی نینگ سرپرستی صفتیده تانیتیلگن. او، حقانی شبکهسی نینگ اساسچیسی جلالالدین حقانی دن سونگ، اوشبو شبکه رهبری صفتیده تعیینلنگن. حقانی شبکهسی هدفلی ترورلر، خودکش هجوملر و گروگه آلیشگه عیبلنگن. سراجالدین حقانی دینی مدرسهلر و طالبان جنگریلریدن نظارت قیلیب و حربی عملیاتلرنی رهبرلیک قیلهریدی.
طالبان سابق رهبری ملا عمر نینگ اوغلی مولوی محمد یعقوب، اوشبو گروه کابینهسیده مدافعه وزیری صفتیده تانیتیلگن. او، ۲۰۱۶- ییلده طالبان رهبری تعیینلنیشی زمانیده طالبان بیرقطار قومندانلری نینگ حمایهسینی قولگه کیلتیرگن، لیکن یاشی کیچیک بولگنی باعث، رهبر صفتیده تعیین لنمهگن.
تشقی ایشلر وزیرلیگی سرپرستی امیرخان متقی، طالبان نینگ دعوت و ارشاد کمیسیونی مسوولی ایدی. طالبان نینگ سابق حکومتیده معلومات و مدنیت وزیری و معارف وزیری صفتیده ایشلگن.
ملی خوفسیزلیک عمومی ریاستی نینگ سرپرستی عبدالحق واثق، غزنی ولایتیده دنیا گه کیلگن. او، آمریکا جنگی اسیرلری بیلن الماشتیریلگن گوانتانامو ۵ محبوسیدن بیری دیر. او، آزاد ایتیلگنیدن سونگ، قطرگه باریب طالبان مذاکره قیلووچی هیات عضوی صفتیده تعینلنگن. جناب واثق، ۱۹۹۰- دهه ده طالبان استخباراتی نینگ اورین باسری صفتیده ایش قیلگن.
بیزلرنینگ فیسبوک صحیفهمیزگه باش اورینگ!
شونینگدیک، طالبان تامانیدن سرپرست صفتیده تعیین ایتیلگن باشقه کیشیلر هم اوشبو گروه اعضالریدن بولیب و بیرلشگن ملتلر تشکیلاتی تامانیدن تحریم ایتیلگنلر جملهسیدن دیر.
طالبان تامانیدن اعلان ایتیلگن کابینه، انحصارگرلیک و تک قومی بولگنی باعث، کوپلب واکنشلر بیلن روپهره بولگن.
