طالبان حکومتی نینگ اعضالری کیم‌لر دیر؟

کابل و باشقه ولایت‌لر طالبان نظارتی‌گه اوتگنیدن سونگ، طالبان سوزلاوچیسی ذبیح‌الله مجاهد اوتگن کونی خبری بیر ییغین اوتکزیب ینگی حکومت رهبرلیک و کابینه اعضاسی نینگ فهرستی‌نی نشر قیلدی.
طالبان تامانیدن نشر ایتیلگن فهرست‌گه کوره، ملامحمد حسن آخوند ریاست الوزرا سرپرستی، ملا عبدالغنی برادر و ملا عبدالسلام حنفی اوشبو ریاست اورین باسرلری صفتیده تعیین‌لنگن.

سیداکبر آغا: افغانستان اهالیسی ینگی حکومت دن حمایت قیلسین

طالبان سابق رسمی‌لریدن بیری سیداکبر آغا، بوگون بیر ییغینده افغانستان اهالیسی نی طالبان نینگ ینگی حکومتیدن حمایت قیلیش گه چقیریب و ایتیشیچه، اولر طالبان تامانیدن اعلام ایتیلگن اسلامی تیزیم نی قبول قیلیش‌لری کیره‌ک.
اونینگ کوپه‌یتیریشیچه، مملکتده اسلامی نظام نی یالغیز طالبان پیاده قیله آله‌دی.

بایدن: افغانستان کیله‌جک دولتی نینگ مشروعیتی، اقدام‌لریگه باغلیق دیر

اوتگن سه‌شنبه کون ‌آمریکا جمهور‌ رئیسی جوبایدن، جی۷ گروهی و شونینگدیک اروپا بیرلیگی، ناتو تشکیلاتی و بیرلشگن ملتلر تشکیلاتی رهبرلری بیلن افغانستان حقیده سوزلشگن. مذکور سوزلشوو‌ده تامانلر افغانستان کیله‌جک دولتی نینگ مشروعیتی خلق‌ارا تعهدلرگه باغلیق دیگن.