اوتگن کونی پاکستانلیک میدیالر اوشبو مملکت استخباراتی باشلیغی فیض حمید نینگ طالبان دعوتی اساسیگه کابل‌گه سفر قیلیب و اوشبو گروه رسمی‌لری بیلن اوچره‌‌شگنیدن خبر بیرگن ایدیلر.
بیزلرنینگ فیسبوک صحیفه‌میزگه باش اورینگ!
بیراق، سیاسی ایش بیلرمانلردن بیری سیدباقر محسنی نینگ ایتیشیچه، پاکستان استخباراتی باشلیغی طالبان رهبرلری آره‌سیده بولگن ایچکی جنجاللرنی حل قیلیش مقصد ده کابل گه سفر قیلگن. اولرنینگ ایتیشیچه، طالبان رهبرلری آره‌سیده بولگن جنجللرنی جدی بولگنی باعث، پاکستان مملکتی دخالت قیلگن.
سیاسی ایش بیلرمانلردن باشقه بیری اکرم عارفی نینگ ایتیشیچه، طالبان گروهی بو گروه رهبرلری آره‌سیده بولگن جنجاللرنی حل قیلیش‌گه موفق بولمهگنی باعث، میانجی‌لیککه نیاز دیر.
لیکن، طالبان نینگ ایتیشیچه، آی‌اس‌آی رئیسی ایکی مملکت آره‌سیده همکارلیک دوامی قیلیشی و یخشی رابطه‌لر قوریلیشی خصوصیده بحث قیلیش اوچون کابل‌گه سفر قیلگن.
طالبان نینگ فرهنگی کمیسیونی عضوی انعام‌الله سمنگانی نینگ ایتیشیچه، کابل قونالغه‌سیده ملکی پروازلر قیته باشله‌نیشی و ایکی مملکت نینگ چیگره‌لریده بولگن قیین‌چیلیکلرنی ایکی تامان آره‌سیده بحث ایتیلگن موضوعلردن دیر.
بیزلرنینگ فیسبوک صحیفه‌میزگه باش اورینگ!
افغانستان طالبان قولیگه سقوط قیلگنیدن کمیده ۳ هفته اوتماقده، بیراق اوتگن هفته چهار‌شنبه کونی قطر‌ده طالبان نینگ سیاسی دفتری اورین باسری عباس استانکزی نینگ اعلان قیلیشیچه، ینگی حکومت ایکی کونگچه تشکیل تاپه‌دی، لیکن حاضرگه‌قدر تشکیل تاپمه‌گن.
