جوزجان ولایتی فیض‌آباد تومن امنیتی مسئوللری نینگ ایتیش‌لریچه، بو تومنده بونده‌ی برنامه‌لر عمل گه آشیریلیشی وضعیت نی قیین‌لشتیرگن و بو پروسه دوام تاپیشی بو تومن خوفسیزلیک وضعیتی گه سلبی تأثیر قویه‌دی.
جوزجان ولایتی فیض‌آباد تومن امنیتی مسئوللریگه کوره، طالبان پاکستانلیک جنگریلری نینگ بویروغی بیلن، خودکش هجوم تعلیماتی، ناقانونی باج آلیش و باله‌لر و یاش ییگیتلردن عسکرلر آلیش برنامه‌لرنی عمل گه آشیره‌دی.
فیض‌آباد تومن پولیس قومندانی محمد نادر نینگ ایتیشیچه، پاکستانلیک حربیلر طالبان همکارلیگی بیلن مذکور تومن نینگ گرجک قیشلاغیده باله‌لرگه خودکش هجوم و زهرلنتیره‌دیگن دارولردن قولله‌نیش نی تعلیمات بیره‌دی.
بیزلرنینگ فیسبوک صحیفه‌میزگه هم باش اورینگ!
جناب نادر گه کوره، طالبان برنامه‌لرینی عمل گه آشیریش اوچون ۸ الی ۱۰ یاشر باله‌لرنی تنله‌ب و تعلیمات بیریش اوچون اوزلری بیلن آلیب کیته‌دی.
اونینگ کوپه‌یتیریشیچه، بو پروسه فیض‌آباد تومنیده دوام تاپیب کیلماقده و اونینگ کوپه‌یشی مذکور تومن و بو ولایت باشقه تومن‌لری نینگ خوفسیزلیگی نی تهدید بیلن روپه‌رو قیله‌دی.
- جوزجان ده طالبان تامانیدن جنسی زورلنگن قیز نینگ عایله‌سی عدالت ایسته‌یدی
- طالبان جوزجان-بلخ قتناو یولیده‌گی هیداوچی‌لریدن باج آله‌دی
- جوزجان؛ طالبان گروهی طلبه قیزلرگه تعلیم کوریش‌لری اوچون رخصت بیرمه‌گن
- طالبان جنگریلری جوزجان-بلخ قتناو یولی‌نی ماین آرقه‌لی تخریب قیلگن
جوزجان ولایتی فیض‌آباد تومن یشاوچی‌لریدن قطاری، طالبان نینگ تهدیدی باعث رسمی سوزلشووگه حاضر بولمه‌ی بیراق ایتیش‌لریچه، بو تومنده باله‌لر و یاش ییگیت‌لرنینگ خوفسیزلیگی تأمین ایمس دیر و اولر پاکستانلیک جنگریلر تامانیدن اوروش و خودکش هجوم اوچون تربیه‌لنه‌دی.
فیض‌آباد تومن یشاوچی‌لری گه کوره، بو وضعیت نینگ دوام تاپیشی باله‌لر و یاش ییگیت‌لرنینگ ناقانونی مهاجرلیککه یوز کیلتیریشی گه سبب بولگن.
باشقه بیر تاماندن، سلام‌وطندارنینگ جوزجان ولایتی فیض‌آباد تومنی نینگ کوکلداش قیشلاغیده اوتکزگن تیکشیرووی نینگ کورستیشیچه، ییگیتلر و یاش ییگیتلردن ۷۰ فایزی اوروش قورقینچی و امنیتی وضعیت نینگ یمان‌لیگی باعث ناقانونی مهاجرلیککه یوز کیلتیرگن.
بیزلرنینگ توییترده هم تعقیب قیلینگ!
شونده‌ی بیرحالده، جوزجان مدنی فعاللریدن قطاری نینگ ایتیش‌لریچه، جوزجان باله‌لری پاکستانلیک جنگریلر تامانیدن خودکش هجوم و اوروش اوچون تربیه‌لنیشی مملکت اوچون جدی بیر تهدید دیر.
اولر دولت دن بو توغریده جدی اقدام قیلیشی نی سوره‌شگن.
بیراق طالبان سوزلاوچی‌لریدن بیری ذبیح‌الله مجاهد، جوزجان نینگ فیض‌آباد تومنیده پاکستانلیک جنگریلرنینگ حضوری و شونینگدیک باله‌لر خودکش هجوم اوچون تربیه‌لنیشی نی رد قیلیب و بونینگ بیر شایعه دیگن.
