جوزجان ولایتی کینگش اعضالریدن بیرقطاری نینگ ایتیش‌لریچه، سونگی پیت‌لرده اوشبو ولایت قطار تومن‌لریده ناتینچلیکلر کوپه‌یگن و طالبان جنگریلری کیچه تاماندن امنیتی پوسته‌لر اوستیگه هجوم قیله‌دی.
جوزجان ولایتی کینگش اورین باسری امرالدین دانشجو نینگ ایتیشیچه، اوشبو ولایت تومن‌لریده وضعیت خواطرلنترووچی دیر و بوتوغریده دقت بولمه‌گن صورتده، کوپ قطار منطقه‌لر طالبان نظارتی‌گه اوتیب و انسانی فاجعه یوز بیریشی ممکن.
جوزجان ولایتی کینگش اورین باسری‌گه کوره، اوشبو ولایت بیرقطار تومن‌لری چیککه‌سیده جوزجان-بلخ قتناو یولی اولیم جاده‌سیگه اوزگرگن.
عین‌حالده، جوزجان یشاوچی‌لریدن بیرقطاری، اوشبو ولایت قطار تومن‌لری، جوزجان-بلخ، جوزجان-سرپل و جوزجان-فاریاب قتناو یول‌لریده ناتینچلیکلر کوپه‌یگنیدن خواطر بیلدیرگنلر.
جوزجان یشاوچی‌لریدن بیری سمیرا نینگ ایتیشیچه، طالبان جنگریلری بیرقطار تومن‌لرده هرقندهی جنایت‌گه قول اوره‌دیلر، لیکن حکومت طالبان هجومی‌گه قرشی جیم تورگن.
بیراق، جوزجان امنیتی مسووللری نینگ ایتیش‌لریچه، طالبان نینگ هرقندهی تهدیدلریگه قرشی تیارگرلیکلر آلینگن دیر.
جوزجان پولیس قومندانلیگی سوزلاوچیسی احمد مسعود ندیم نینگ ایتیشیچه، امنیتی کوچلر طالبان هجومی‌نی کیین‌گه اوریش اوچون تیارگرلیک آلگنلر و هرقندهی تهدیدگه قرشی توخته‌یدی‌لر.
جوزجان پولیس قومندانلیگی سوزلاوچیسی‌گه کوره، طالبان جنگریلری دولتی کوچلر بیلن مقاومت قیله آلمه‌یدی و انه‌شو سبب، تینچ اهالینی اذیت قیله‌دی.
طالبان گروهی حاضرگه‌قدر جوزجان ولایتی کینگش اعضالری و امنیتی مسووللری نینگ ادعالریگه قرشی فکر بیلدیرمه‌گن.
