جوزجان-بلخ قتناو یولیدن کیتیب کیله‌دیگن هیداوچی‌لردن بیر قطاری نینگ ایتیش‌لریچه، طالبان تورلی بهانه‌لر و چیکلاو یره‌تیش بیلن اولردن پول آلیشه‌دی و پول بیرمه‌گن هیداوچی‌لرنینگ موترینی اوت بیریشه‌دی.
اولرگه کوره، طالبان جوزجان-بلخ قتناو یولیده جایلشگن جوزجان ولایتی خانقاه تومنی نینگ «شاه میرزای» منطقه‌سی و بلخ ولایتی چهار بولک تومنی نینگ «تیمورک» منطقه‌سیده ایکی باج آلیش مرکز قورگن.
مذکور هیدواچی‌لردن بیری خیرالله نینگ ایتیشیچه، طالبان اونینگ برچه پول و نیرسه‌لرینی آلگن.
اوشبو هیداوچی‌لردن باشقه بیری نعمت‌الله نینگ ایتیشیچه، طالبان بو قتناو یولدن اوتیب-قیته‌دیگن هر بیر موترنینگ هیداوچیسی‌دن پول آله‌دی و پول بیرمه‌گن کیشیلرنینگ موترینی اوت بیره‌دیلر.
جوزجان ولایتی کینگش اعضالریدن قطاری نینگ ایتیش‌لریچه، طالبان اهالی نی آزارلنتیریش بیلن اولردن باج آله‌دی. جوزجان ولایتی کینگش اورین‌باسری امرالدین دانشجو نینگ ایتیشیچه، طالبان نیچه چک پاینت قوریش بیلن جوزجان-بلخ قتناو یول هیداوچی‌لریدن پول آله‌دی.
شونینگدیک جوزجان امنیتی مسئوللری، بو قتناو یولده هیداوچیلر طالبان آرقه‌لی آزارلنتیریلیشی نی تصدیقله‌گن. جوزجان پولیس قومندانی عبدالواحد وجدان نینگ سلام‌وطندارگه ایتیشیچه، طالبان جوزجان-بلخ قتناو یول هیداوچی‌لریدن باج آله‌دی کیم بو وضعیت دوامی هیداوچی‌لرنینگ خسته قیلگن.
ایشانچلی بیر منبع تامانیدن سلام‌وطندارنینگ اختیاری گه قوییلگن معلومات اساسیده، طالبان نفت تاشووچی موترلردن ۳۰ مینگ افغانی، یوک تاشووچی موترلردن ۱۵ مینگ افغانی و کیچیک موترلردن ۵۰۰ – ۱۰۰۰ افغانی گچه پول آلیشه‌دی.
بیراق طالبان جوزجان-بلخ قتناویول هیداوچی‌لریدن باج آلیش نی رد قیلیب ایتیش‌لریچه، بو ادعالر توغری ایمس دیر.
طالبان سوزلاوچی‌لریدن بیری ذبیح‌الله مجاهد نینگ سلام‌وطندارگه ایتیشیچه، اولرنینگ آدم‌لری هیچ کیم دن زورگه پول آلمه‌گن و هیچ بیر موترنینگ هم اوت بیرمه‌گن و تینچ‌اهالی و هیداوچیلر بیلن هیچ ایشلری یوق دیر. اونگه کوره، نفت تاشووچی تانکرلر و دولتی اکمالات‌لرنینگ نابود قیله‌دیلر.
