افغانستان بوییچه بیرلشگن ملت‌لر تشکیلاتی نینگ اورین باسرلیک هیاتی یا-ده یوناما، بیر توییت آرقه‌لی طالبان گروهی‌دن اوشبو نهاد نینگ هراتده‌گی دفتری اوستیگه اویوشتیریلگن هجوم خصوصیده جواب قیتریشی‌نی سوره‌گن. بو نهاد، طالبان گروهی دن مذکورهجوم‌نی جدی شکلده تیکشیریشی‌نی ایسته‌گن.
یوناما نینگ تاکید قیلیشیچه، طالبان گروهی‌نینگ مذکور هجوم و اوشبو دفترنینگ بیر افغانستان‌لیک قوروقچی‌سی هلاک ایتیلگنی خصوصیده جواب قیتریشی کیره‌ک. افغانستان بوییچه بیرلشگن ملت‌لر تشکیلاتی نینگ ایتیشیچه، افغانستانده ملی بیر نهاد صفتیده تینچلیک سعی و حرکتدن حمایت بیلدیره‌دی.
اوشبو نهاد نینگ ایتیشیچه، افغانستان بوتون یشاوچیلری حقوق‌لرینی ارتقا بیریش و افغانستان‌لیکلرگه انسان دوست‌لیک یاردم‌لر ارایه قیلیش اوچون سعی و حرکت قیله‌دی و زوروانلیک و تهدید بولمسدن اوز ایش‌لریگه دوام بیریش‌نی ایسته‌یدی.
افغانستان بوییچه بیرلشگن ملت‌لر تشکیلاتی نینگ اورین باسرلیک هیاتی، هرات‌ده یوز بیرگن زوروانلیک‌دن جدی شکلده خواطر بیلدیرگن.
یوناما نینگ هراتده‌گی دفتری اوتگن “جمعه” کونی طالبان تامانیدن هجوم آستیگه قرار بیریلیب و نتیجه‌ده اوشبو نهاد بیر قوروقچی‌سی هلاک ایتیلگن ایدی.
