تخار ده طالبان محلی مسئوللری نینگ ایتیشلریچه، اولر بو گروه اعضالری نینگ اعاشه توغریسیدهگی قیینچلیکلرینی حل ایتیش اوچون برنامه قولگه آلگن که اونینگ تکمیل بولیشی بیلن اهالی تامانیدن اعاشه تأمینلنیشی کوتاریلهدی.
تخار ولایتیده طالبان حاکمی مولوی نورالدین، بو موضوع نی اوشبو ولایت ۱۶ تومن ولسواللری بیلن اوتکزگن ییغینده بیان قیلگن.
او مذکور اوچرهشووده تأکید قیلگن که اهالی نینگ مالی و جانی و دولتی تأسیساتلر جدی شکلده مراقبت و سقلهنیشی کیرهک. ایتیش کیرهک که نیچه پیت آلدین تخار یشاوچیلری، طالبان اهالیدن نان و سوو توپلشی اوچون شکایت قیلیشگن ایدی.
عین حالده، طالبان بوگون اوشبو ییغینده سوز بیرگن که طالبان گه نان و سوو تیارلش خصوصیدهگی خواطرلر تیزلیککه حل ایتیلیشی ممکن.