تخار مرکزی تالقان شهری نینگ یشاوچی‌لری، کمیده بیر آیدن بویان امنیتی کوچلر و طالبان گروهی آره‌سیده جدی آتیشمه‌لرگه گواه دیر. مسوللرنینگ بیاناتی اساسیده، مذکور آتیشمه‌لرده کمیده ۱۲ مینگ عایله آواره بولیب و حاضر تالقان شهری نینگ تعلیمی و تربیتی نهادلریده حیات کیچیرماقده‌لر.
عین حالده، اوروش باعث آواره بولگن عایله‌لردن قطاری نینگ ایتیش‌لریچه، خوفسیزلیک تأمین‌لنیشی اوچون محلی مسوولرنینگ بیر ایش قیلیش‌لرینی کوتیب تورگن ایدیلر، بیراق قربان هییت بیره‌می ییتیب کیلیشی بیلن اولر هیچ بیر ایش قیلمه‌گن و شونینگدیک مرکزی دولت رسمی‌لری هم بو توغریده هیچ قنده‌ی توجه قیلمه‌گن.
عین حالده، تخار مهاجرلر ریاست مسوولری، بو ولایتده یاردم بیرووچی نهادلر یوقلیگیدن خواطر بیلدیریب و ایتیش‌لریچه، کوچ و توان‌لریگه کوره محتاج کیشی‌لرگه یاردم بیره‌دیلر. بیراق اولرگه کوره، اوروش آواره‌لری نینگ سانی کونسایین کوپه‌یشی باعث اولر قیینچلیککه دوچ کیلگن.
بیزلرنینگ فیسبوک صحیفه‌میزگه باش اورینگ!
باشقه بیر تاماندن کابل ده یشه‌یدیگن تخار یشاوچی‌لریدن قطاری هییت نینگ بیرینچی کیچه‌سینی «تحصن خیمه‌سی» ده باشله‌گنلر. اولر اوشبو اعتراضی حرکت دلیلی نی تخار خوفسیزلیک وضعیتی یمان‌لنگنی توغریسیده مرکزی حکومت نینگ توجه‌سیزلیگی دیگنلر. اولرنینگ اورغولشیچه، طالبان هجومی نی آرقه گه اوریش و تخار مرکزی نینگ قمروی نی سیندیریش اوچون ییترلیچه حربی مذکور ولایت گه یوباریلگونگه قدر، اعتراض‌لریگه دوام بیره‌دیلر.
تخار ولایتی کینگش اعضاسی عصمت‌الله قربانی و مذکور اعتراض نی یولگه قویگنلردن بیری سیدال پیرزاده نینگ سلام‌وطندارگه ایتیش‌لریچه، تخار مرکزی و ۱۶ تومنیده کوپینچه اهالی آواره بولگن.
بیزلرنینگ توییترده هم تعقیب قیلینگ!
اولرنینگ کوپه‌یتیریش‌لریچه، گرچند طالبان هجومی برابریده امنیتی و مدافعه کوچلری و مردمی بیرلشیش تامانیدن مقاومت کورسه‌تیلگن، بیراق بو وضعیت نینگ دوامی اهالی و دولت نینگ ضرری گه تمام بولیشی ممکن.
