تخار یشاوچی‌لریدن تخاری بوگون اعتراضی بیر ییغین یولگه قوییش بیلن مذکور ولایتده آتیشمه‌لر کوپه‌یگنیدن خواطر بیلدیریب و ایتیش‌لریچه، اوروش شدت‌لنگنی اولرگه ضرر ییتیشتیرگن و شونینگدیک اهالی نینگ حیات وضعیتی نی برهم اورگن.
اعتراضچیلر حکومت و امنیتی نهادلردن بو ولایت امنیتی وضعیتی یخشی‌لنیشی اوچون جدی توجه قیلیش‌لرینی سوره‌گن.
حمیرا ۲۰ کون آلدین تخار ده طالبان و امنیتی کوچلر آره‌سیده آتیشمه‌لر کوپه‌یگنیدن کیین، مذکور ولایتدن کابل گه آواره بولگن. اوروش باعث اوچ بالهسی یره‌لنگن و باشقه اوچ بالهسی نینگ جانی نی قوتقرگن.
حمیرا نینگ ایتیشیچه، تینچ‌اهالی نینگ اویی طالبان و حکومت آره‌سیده اوروش سنگری گه اوزگرگن و هر کون بو ولایت یشاوچی‌لریدن بیر قطاری اوی‌لری نینگ ترک قیلیش گه زورلنه‌دی.
بوگون کابل ده یولگه قوییلگن ناراضلیک نمایش گه شرکت قیلگن خانم حمیرا، تخار خوفسیزلیک وضعیتی نینگ یمان بولیشی گه امنیتی کوچلرنینگ مسئول بیله‌دی.
بیزلرنینگ فیسبوک صحیفه‌میزگه باش اورینگ!
حمیرا نینگ کوپه‌یتیریشیچه: «اوچ باله‌م تخار گه قالدی و باشقه اوچ باله‌م ایسه مین بیلن کابل ده دیر. ۲۰ کوندن بویان تورموش اورتاغیم امنیتی کوچلر بیلن بیرگه وظیفه اجرا قیله‌دی. ایکی کیچه‌دن بویان امنیه قومندانلیککه بیر آغیز نان تاپیلمه‌یدی. دولتی‌میز قییرده دیر؟ اشرف غنی قییرده دیر؟ امنیتی کوچلر نیمه اوچون حمایت بولمه‌یدی؟»
تخار یشاوچی‌لری باشقه بیر قطاری نینگ ایتیش‌لریچه، امنیتی کوچلر و مردمی خیزش کوچلری نینگ اوروش اوچون یوقاری روحیه‌سی بار ایدی، بیراق حربی جهاز یوقلیگی و حکومت نینگ حمایت قیلمه‌گنی باعث اولر آرتده چیکیلگن.
تخار مدنی فعالی یحیا نظری بو ییغینده ایتیشیچه، طالبان گروهی تالقان شهری نینگ هر گوشه و اطرافیده جایلشگن. «تالقان خوفسزلیک وضعیتی کوپ خواطرلی دیر و هر کوچه و هر اویده اوروش دوام ایتیب کیلماقده. شهر اطرافیده طالبان کیلگن و اهالی نینگ اویی گه هاوان آتیش بیلن اولرنینگ تکه و پارچه قیلگن.»
تخار مدنی جماعه‌چیلیگی باشلیغی زمان خان نینگ ایتیشیچه، تخار ولایتی نینگ قمرو حلقه‌سی کونسایین قیسیلماقده و شونینگدیک مسئوللرنینگ توجه‌سیزلیگی باعث بو تومن سقوط قیلیشی توغریسیده خواطرلر بار.
جناب زمان خان، امنیتی کوچلر تامانیدن امنیت تأمین‌لنیشی و تخار خوفسیزلیک وضعیتی یخشی‌لنیشی نی سوره‌گن. «مملکت رسمی‌لری نینگ اهالی و امنیتی کوچلر برابریده توجه‌سیزلیگی اهالی نینگ ناامیدلیگی گه سبب بولگن که بولر مجبور کابل و باشقه مملکتلر تامان آواره بولیش گه زورلنگن.»
اوروش میدان‌لریده امنیتی کوچلر حمایت بولمه‌گنی و تخار خوفسیزلیک وضعیتی توغریسیده مدافعه وزیرلیگی برنامه‌سی توغریسیده مذکور وزیرلیک سوزلاوچی‌لری نینگ فکرینی اورگه‌نیش ایسته‌دیک، بیراق اولر جواب بیریش گه حاضر بولمه‌دی.
