ینگی‌لیکده، «شهرک وحدت» آتیده‌گی ییرده جایلشگن قریب ۳۰۰ عایله دن عبارت مهاجر قیشلاق آواره‌لری، ایچیملیک سوولری، ساغلیک و تعلیمی مرکزلری یوق‌لیگیدن شکایت قیله‌دیلر.
اوشبو ییل یاز موسومیده پل‌علم شهری و خوشی تومنیده سوو تاشقینی عاقبتیده یوزلب عایله، لوگر مرکزی گه آواره بولیب کیلگن ایدیلر، حاضر خیمه‌لر آستیده حیات کیچیریشماقده ایتیشلریچه، هوا ساووق بولیشی بیلن اولر نینگ قیینچیلیکلری ایکی برابر کوپه‌یگن؛ بیراق سونگی اوچ آی ده اولر گه اساسی یاردم کورسه تیلمه‌گن.
پکتیا ولایتی دندپتان تومنی دیورند چیزیغی حدودلریده اسلام امیرلیگی کوچلری و پاکستان حربی‌لری اوتگن نیچه کون جریانیده، اوچ مرته توقنشگنلر.
تخار ولایتی خواجه‌بهاءالدین تومنی مهاجر قیشلاق آواره‌لری، حاضرگی تیریکچیلیک احوال‌لریدن نالیماقده‌لر. مذکور قیشلاق آواره‌لری نینگ ایتیشلریچه، اسلامی امارت کوچلری تامانیدن زوردن یشش اوی‌لریدن چیقریلگندن کیین، امکانیت‌لری یوق‌لیگی اوچون آچیق هوا ده چادر قورگنلر.
جوزجان ولایتی فیض‌آباد تومنی نینگ بالامردیان قیشلاغی کمیده اوچ هفته‌دن بویان طبیعی یانغین گه شاهد دیر. جوزجان خوفسیزلیک مسئوللری نینگ ایتیشلریچه، بالامردیان قیشلاغیده یوز بیرگن یانغین‌دن کیین، ۸۰۰ عایله اوشبو قیشلاغ‌دن آواره بولگن دیر.
ینگی‌لیکده خلق ارا مهاجرلر تشکیلاتی یا-ده (IOM) افغانستان ده ایچکی آواره‌لر وضعیتی نینگ قنده‌ی‌لیگی خصوصیده خواطر بیلدیرگن. اوشبو نهاد توییتر صحیفه‌سیده یازیشیچه، افغانستان ده هوا ساووق بولگن بیرحالده، آواره بولگن عایله‌لر یمان بیر وضعیتده حیات کیچیرماقده‌لر.
علی‌احمد بادغیس ده یوزلرچه آواره بولگن کیشی‌لردن بیری دیر. او مذکور ولایتده مهاجرلر کمپی ده یشه‌یدی. اونینگ ایتیشیچه، هر کون باله‌لری نینگ قارین‌لرینی تولدیریش اوچون، بیر لقمه نان نی کوتیب توره‌دی. علی احمد نینگ ۵ فرزندی بار. اونینگ ایتیشیچه، اوروشلر، قوروقچیلیک و مملکتده‌گی سونگی اوزگریش‌لیکلر برچه بار و یوقی نی اوندن آلگن و حاضر ایسه یمان اقتصادی وضعیتده حیات کیچیره‌دیلر.
جمهوررئیس‌لیک سرایی بیر خبرنامه ترقه‌تیب ایتیشیچه، مملکت جمهوررئیسی محمداشرف غنی ایچکی آواره‌لرگه ۴۰ میلیون افغانی یاردم بیره‌دی. خبرنامه‌ده کیلیشیچه، جناب غنی بوگون ارگ ده ایچکی آواره‌لرنینگ قیینچلیک‌لرینی حل قیلیش اوچون یولگه قوییلگن ییغینده، بونده‌ی بیر وعده بیرگن.
مملکت شمالی و شمالی شرقی ولایت‌لریده امنیتی کوچلر و طالبان گروهی آرهسیدهگی آتیشمه‌لر باعث، یوزلرچه یشش اوی تخریب و مینگلرچه کیشی ایسه آواره بولگن.
مذکور آواره‌لردن کوپینچه‌سی حاضر کابل شهری نینگ سرای شمالی و شهرنو پارکی ده حیات کیچیریب کیلماقده.
مهاجرلر وزیرلیگی مسئوللری نینگ ایتیشلریچه، مملکتده اوروش شدتلنگنی و شونینگدیک شهرلر و تومن‌لردن قطاری طالبان نظارتی گه اوتگنی، آواره‌لرنینگ سانی نی کوپه‌یتیرگن.
تخار یشاوچی‌لریدن تخاری بوگون اعتراضی بیر ییغین یولگه قوییش بیلن مذکور ولایتده آتیشمه‌لر کوپه‌یگنیدن خواطر بیلدیریب و ایتیشلریچه، اوروش شدتلنگنی اولرگه ضرر ییتیشتیرگن و شونینگدیک اهالی نینگ حیات وضعیتی نی برهم اورگن.
اعتراضچیلر حکومتدن بو ولایت امنیتی وضعیتی یخشی‌لنیشی اوچون توجه قیلیش‌لرینی سوره‌گن.
قندوز ده اوروش شدتی و طالبان هجوم‌لریدن ایکی آیدن کوپراق اوتماقده. بو پیتده مینگلرچه عایله جایسیز بولیب و اهالی اوی‌لری تخریب بولگنی و اوروشدن امان قالیش اوچون مذکور ولایت تومن‌لری و مرکزیدن بیجا بولیب، قندوز هوا قونالغه قتناویولی نینگ چیککه‌سیده‌گی سردوره منطقه‌سیده خیمه‌لرده حیات کیچیرماقده‌لر.
قیین کونلر و سفر نی اوتکزگندن کیین چای ایچیش اوچون تیارلنه‌دی، سونگی پیت‌لرده مالستان تومنیده امنیتی کوچلر و طالبان گروهی آرهسیدهگی اوروشلر اولرنینگ کابل گه قاچیش گه زورلنتیرگن.
مالستان تومنیدن آواره بولیب کیلگن کیشیلر حاضر کابل غربیده کرایی اویلر و نابیللی کیله‌جک نی کوتیب توریش بیلن حیات کیچیره‌دیلر.
کنر محلی مسئوللری نینگ ایتیشلریچه، ایکی آیدن بویان مذکور ولایتلرنینگ برچه تومنلریده اوروش شدتلنگنی سبب، ۵۰ مینگ کیشی آواره بولگن و جایسیز بولگنلر رقمی کوپه‌یماقده.
تخار یشاوچی‌لری سونگی هفته‌ده طالبان جنگریلری و امنیتی کوچلر آره‌سیده بولگن شدتلی آتیشمه‌لرده گواه بولگنلر. تالقان یشاوچی‌لریدن بیرقطاری نینگ ایتیشلریچه، اوتگن بیر هفته جریانیده هیچ‌بیر کیچه آغیر و اینگیل قورال‌لرنینگ سیسی‌نی ییشیتمه‌ی اوتکزگن ایمس‌لر.
طبیعی حادثه‌لرگه قرشی کوره‌ش ایشلری بوییچه دولت وزیرلیگی مسئوللری کابل ده خبری بیر ییغین اوتکزیب ایتیشلریچه، سونگی بیر آیده مملکت ۲۵ ولایتیده ۳۲ مینگ عایله بدرغه بولگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
