قیین کونلر و سفر نی اوتکزگندن کیین چای ایچیش اوچون تیارلنه‌دی، سونگی پیت‌لرده مالستان تومنیده امنیتی کوچلر و طالبان گروهی آرهسیدهگی اوروشلر اولرنینگ کابل گه قاچیش گه زورلنتیرگن.
مالستان تومنیدن آواره بولیب کیلگن کیشیلر حاضر کابل غربیده کرایی اویلر و نابیللی کیله‌جک نی کوتیب توریش بیلن حیات کیچیره‌دیلر. مذکور آواره‌لردن یالغیز کیکسه بیر عیال باشیدن اوتگن نیرسه‌لرنی سلام‌وطندار بیلن شریک قیلیش گه حاضر بوله‌دی.
او گزارش ده آتی فاش ایتیلیشی نی ایستمه‌ی ایتیشیچه، «یمان اوروش باشلندی و کتته و کیچیک قاچدیک و وضعیت یمان بولیشی بیلن کابل گه جونه‌دیک.» اونینگ کوپه‌یتیریشیچه، طالبان ایناغه‌سینی که اونینگ نه قورالی بار ایکن و نه هم دولت بیلن هیچ قنده‌ی علاقه‌سی اولدیرگن. او یالغیز چارواچیلیک بیلن شغللنگن ایکن.
بیزلرنینگ فیسبوک صحیفه‌میزگه باش اورینگ!
علی‌سینا مالستان تومنی نینگ «قول آدم» قیشلاغی یشاوچیسی دیر. اونینگ ایتیشیچه، بو تومن نینگ تینچ و یشیل قیشلاق‌لری طالبان نینگ قمرویگه دیر و بو کونلرده مذکور قیشلاقلرده دهشتلی بیر وضعیت حاکم دیر.
مالستان نینگ اوشبو یشاوچیسی عایله‌سی بیلن کابل گه آواره بولگن. اونینگ ایتیشیچه، اهالیدن کوپینچه‌سی اوی، ییر و چاروالرینی قوییب و حیات گه قالیش اوچون باشقه منطقه‌لرگه قاچیب کیتگن.
علی‌سینا گه کوره، مالستان تومنی نیچه کون طالبان نظارتی گه بولگنیدن کیین امنیتی کوچلر بو تومن نی نظارتگه آلگن و اوشبو تومن قیته طالبان قولیگه توشگنیدن کیین، اولر اهالی نینگ اولدیریش و قان توکیش گه باشله‌گن.
دولت مالستان تومنیده هلاک و یره‌لنگن‌لردن بیللی رقم ترقتمه‌گن، بیراق نیچه پیت آلدین کابل ده مذکور تومن مردمی کینگشی اوشبو تومنده ۴۰ حربی و تینچ‌اهالی هلاک بولگنی نی اعلام قیلگن ایدی.
اولرنینگ ادعا قیلیشیچه، اهالی نینگ اویلری، دکان‌لری و ایکینچلیک ییرلری طالبان آرقه‌لی تخریب بوله‌دی که بو اوروش جنایتی سنله‌دی. شونده‌ی بیرحالده، طالبان گروهی سوزلاوچیسی ذبیح‌الله مجاهد نینگ ایتیشیچه، بو تومنده تینچ‌اهالی گه هیچ قنده‌ی ضرر ییتیشمه‌یدی و یالغیز طالبان بیلن اوروشگن کیشلر هلاک و یا ضرر کورگن.
