کنر محلی مسئوللری نینگ ایتیش‌لریچه، ایکی آیدن بویان مذکور ولایتلرنینگ برچه تومنلریده اوروش شدتلنگنی سبب، ۵۰ مینگ کیشی آواره بولگن و جای‌سیز بولگنلر رقمی کوپه‌یماقده.
کنر حاکمی اورین‌باسری واصفی‌الله واصفی نینگ ایتیشیچه، مذکور کیشیلر ناری و غازی‌آباد تومن‌لردن آواره بولگنلر. اونینگ کوپه‌یتیریشیچه، کمیده ۲ مینگ آواره بولگن عایله‌لرگه حاضرگه قدر یاردم ییتیشگن.
بیزلرنینگ فیسبوک صحیفه‌میزگه باش اورینگ!
کنر حاکمی اورین باسری گه کوره، اهالی طالبان تامانیدن آزارلنتیریلگن‌لری باعث آواره بوله‌دی. واصفی نینگ کوپه‌یتیریشیچه، ناری و غازی آباد تومن‌لریدن آواره بولگنلر نینگ قیته کیلتیریش اوچون سعی و حرکت باشلنگن.
آواره بولگنلر مکتبلر بنالریده و عامه تأسیات‌لرده حیات کیچیره‌دیلر، و اولر ایسه حیات‌لری نینگ یمان وضعیتیدن شکایت قیلیب و بو توغریده حکومت نینگ جدی توجه قیلیشینی سوره‌شگن.
شوندی بیر حالده طالبان سوزلاوچیسی ذبیح الله مجاهد، اهالی طالبان نینگ آزاری باعث آواره بولگنی توغریسیده کنر حاکمی اورین‌باسری نینگ ادعاسینی رد قیلگن.
