افغانستان بوییچه اوروش و ناتینچلیکلر سبب، کوپ قطار عیاللر تعلیم کوریشدن محروم قالگنلر.
شونینگدیک فاریاب ولایتی نینگ بیرقطار تومن‌لریده اوروش‌لر دوام قیلگنی سبب، تعلیم کوریش‌گه علاقمند بولگن کوپ قطار عیاللر و باله‌لر تعلیم دن محروم دیرلر.
بیراق، فاریاب ولایتی نینگ المار تومنیدن آواره بولیب میمنه شهریده کیلگن حمیرا نام‌لی بیر عیال آواره بولگن باشقه ۱۵۰ عیال و قیز باله‌گه تعلیم کوریش‌لری اوچون زمینه یره‌تگن.
خانم حمیرا، اوروش‌لر سبب، باشقه تومن‌لردن آواره بولیب میمنه شهریده کیلگن عیاللر و قیز باله‌لرنی بیر جایگه توپلب رایگان شکلده تعلیم بیره‌دی.
اونینگ ایتیشیچه، شخصی امکانیتی‌دن تعلیم کوریش اوچون مکان تیارلگن و اوقووچی‌لریدن هیچ‌قنده‌ی امتیاز آلمه‌یدی.
خانم حمیرا گه کوره، المار تومنیده اوروش‌لر دوام قیلگنی سبب، تحصیل قیلیش‌گه موفق بولمه‌گن و انه‌شو باعث، باشقه باله‌لرنینگ تعلیم کوریشدن محروم قالمه‌یش‌لری اوچون سعی و حرکت قیله‌دی.
عین‌حالده، حمیرا نینگ اوقووچی‌لریدن بیری مریم، کوهستان تومنیدن آواره بولیب میمنه شهریگه کیلگن. اونینگ ایتیشیچه، منطقه‌لریده اوروش بولگنی سبب، تعلیم کوریش‌گه موفق بولمه‌گن و حاضرده تعلیم کوریش اوچون زمینه یره‌تیلگنیدن خرسند دیر.
خالده و نیلوفر هم خانم حمیرا نینگ صنفیده درس اوقیدی. اولر تعلیم کوریش‌لری اوچون خرسند دیر، بیراق مناسب مکان بولمه‌گنی و تعلیم کوریش امکانیتی یوق لیگیدن تنقید قیله‌دیلر.
اوشبو عیاللر و قیز باله‌لر تعلیم کوریش‌گه علاقه‌لری بولگنی‌نی بیلدیره‌دیلر. اولر حکومت و باشقه خصوصی نهادلردن تعلیم کوریش‌لری اوچون مناسب مکان و تعلیم کوریش امکانیت تیارلش‌لرینی سوره‌یدیلر.
