تورکیه دولتی، جاری ییل‌نینگ بیرینچی نومبردن باشلب ۱۵ یاشگه تولمه‌گن باله‌لر گه اجتماعی ترماقلردن فایده‌لنیشنی تقیقله‌یدی.
آنادولو گه کوره، ینگی قاعده‌لر گه بناً اجتماعی ترماقلر فایده‌لنوچیلرنینگ یاشی حقیده دقت قیله‌دی. شونینگدیک، ۱۵ یاش گه تولگن بیراق قانونی یاش گه ییتمه‌گن فایده‌لنوچیلر اوچون ایسه علیحده خوفسیزلیک چاره‌لری جاری قیلینه‌دی.
شونینگدیک، باله‌لر فقط اوزلری کوزه‌ته‌دیگن اکونت‌لردن خبر آلیشی ممکن بوله‌دی. باشقه فایده‌لنوچیلر ایسه اولرنینگ آبونه‌چیلری و کوزه‌ته‌یاتگن اکونت‌لری رویخطینی کوره آلمه‌یدی.
نظام آته-آنه‌لر نظارتیگه عاید طلبه‌لرنی هم بیلگیله‌یدی. اولر فرزندلری‌نینگ اکونت سازلمه‌لرینی باشقریش، اجتماعی ترماقلردن فایده‌لنیش وقتینی چیکلشی و پوللی عملیات‌لر گه رخصت بیریش ممکن بوله‌دی.
ینگی ترتیب گه کوره، موجود اکونت‌لر اوچون یاشنی تصدیقلش جریانی میلادی ۲۰۲۷-ییل‌نینگ ۳۱ مارچ کونیگچه یکونلنیشی کیره‌ک. یاشی ۱۵ دن کیچیک ایکنی انیقلنگن فایده‌لنوچیلرنینگ عملده‌گی اکونت‌لری هم یاپیله‌دی.
ایسله‌تیب اوته‌میز، بوندن ایلگری بعضی مملکتلر ده وایه گه ییتمه‌گنلرنینگ اجتماعی ترماقلردن فایده‌لنیشینی چیکلش مسئله‌سی کوریب چیقیله‌یاتگنی حقیده خبر بیریلگن ایدی.
