افغانی قیزیل آی جمعیتی نینگ اعلام قیلیشیچه، جاری هفته پنج‌شنبه کونی جدی شکلده کویگن یا-ده سویگی مکروبی بولگن ۸۰ باله نی درمان اوچون آلمان گه یوباره‌دی.
افغانی قیزیل آی جمعیتی سوزلاوچیسی عرفان‌الله شرف‌زوی نینگ ایتیشیچه، درمان اوچون یوباریله‌دیگن‌‌لر آره‌سیده بیر یاشردن اون‌بیر یاشر‌گچه بولگن باله‌لر شامل دیر.
جناب شرف‌زوی نینگ کوپه‌یتیریشیچه: «۶ آی آلدین درمان اوچون آلمان گه یوباریلگن ۹۰ باله‌دن، ۵۰ ته‌سی توزلیب و قیته مملکت گه انتقال بیریلگن و شونینگدیک اولردن ۴۰ ته‌سی درمان آستیده قرار تاپگنلر و باشقه ۸۰ باله هم مذکور اوچاق‌ده درمان اوچون آلمان گه یوباریلیشی ممکن.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، عایله‌لردن قطاری باله‌لری نینگ درمان اوچون آلمان گه یوباریلیشی خصوصیده خورسند‌لیک بیلدیریب و ساغلیق نی سقلش وزیرلیگی‌دن، کسل‌لر نینگ درمانی اوچون افغانستان ده زمینه یره‌تیلیشی نی سوره‌گنلر.
عین حالده، جدی شکلده کویگن باله‌لردن بیری نینگ آته‌سی اسماعیل نینگ ایتیشیچه، اونینگ درمان‌لنیشی اوچون اون‌مینگ‌لرچه افغانی مصرف قیلگن، بیراق هیچ قنده‌ی نتیجه بیرمه‌گن.
اسماعیل نینگ کوپه‌یتیریشیچه: «باله‌م جلدی کسل‌لیک‌دن رنج ایلته‌دی و نیچه مرته ایچکی و قوشنی مملکت‌لرده‌گی کسل‌خانه‌لر گه باردیک، بیراق درمان بولمه‌دی. بو ییر نینگ نشانه‌سی نی بیری بیزلر گه ایتدی و حاضر ایسه باله‌م نینگ قیته ساغلنیشی خصوصیده کوپ خورسند‌میز.»
کابل یشاوچیلریدن هما، باله‌لریدن بیری جمجمه‌سی نینگ سویگی مکروبی بولگنی سبب، اوشبو برنامه گه شامل بولگن دیر.
اونینگ ایتیشیچه: «باله‌م بیلن تورلی‌خیل ایچکی و تشقی کسل‌خانه‌لر گه مراجعت قیلدیک و درمان اوچون مینگ‌لرچه افغانی خره‌جت قیلدیک؛ بیراق او توزلمه‌دی. حاضر ایسه باله‌لریمیز نینگ توزلیشی خصوصیده امید‌وار‌میز.»
بیزلرنینگ توییترده هم تعقیب قیلینگ!
داکترلر نینگ ایشانچی گه کوره، میکروب‌لردن قطاری نینگ آغیز یولی آرقه‌لی کیریشی سبب، باله‌لر نینگ سویگی سینیش کسل‌لیگی گه چلینیش‌لری ممکن.
داکترلردن بیری عبدالجبار مومن‌یار نینگ ایتیشیچه: «آغیز یولی آرقه‌لی میکروب‌لردن قطاری نینگ باله وجودی گه کیریشی، سویگ‌لر گه زیان ییتیشتیریب و کسل نینگ سویگ سینیش کسل‌لیگی گه چلینتیره‌دی. اوشبو کسل‌لیک‌دن توسیق بولیش اوچون، عایله‌لر باله‌لری نی یوقمه کسل‌لیک‌لردن سقلب و باله‌لری نینگ آزیق-آوقات‌لری‌ده میوه و سبزه‌وات اضافه قیلیش‌لری کیره‌ک.»
افغانی قیزیل آی جمعیتی، آلمان تینچ‌لیک قیشلاغی خیریه نهادی بیلن کیلیشگنی‌دن کیین، ۱۳۶۸-ییل‌دن حاضرگچه، ۸۸ دوره‌ده ۴۸۵۴ کسل باله نی درمان اوچون آلمان گه یوباریب و درمان‌دن کیین قیته مملکت گه انتقال بیریلگن.
