Asset 1SWN

قیزیل آی جمعیتی: سویگی سینگن و کویگن ۵۴ باله‌نی درمان اوچون آلمان گه یوباره‌دیلر

STONE

افغانی قیزیل آی جمعیتی رسانه‌لر بیلن خبری بیر ییغین اوتکزیب ایتگن که، سویگی سینگن و کویگن ۵۴ باله (آلمان تینچ‌لیک قیشلاغی/ دهکده صلح آلمان) همکارلیگی بیلن جاری ییل ۱۹-عقرب درمان اوچون آلمان گه یوباریلیشی ممکن.

مذکور نهاد سرپرستی مطیع‌‌الحق خالص نینگ ایتیشیچه: «سویگی سینگن و کویگن ۵۴ باله ۱۹-عقرب درمان اوچون آلمان گه یوباریلیب و قیته اوشبو تاریخ‌ده کیله‌دیلر.»

بیزلرنینگ فیسبوک صحیفه‌میزگه باش اورینگ!

شونده‌ی بیرحالده، قیزیل آی نینگ معالجه برنامه‌سی گه شامل بولگن باله‌لر و اوشبو باله‌لر نینگ عایله‌لری مذکور نهاد نینگ ایشی‌دن خورسند‌لیک بیلدیریب و دنیا‌دن افغانستا‌ن ده‌گی کسل‌ بالر نینگ معالجه‌سی اوچون همکارلیک قیلیش‌لری نی ایسته‌گنلر.

کسل‌ باله‌لردن بیری نینگ آته‌سی عبدالواسع نینگ ایتیشیچه: «قیغو بیلن باله‌میز سویگی سینگن کسل‌لیگی گه چلینگن دیر و مملکت‌ده تداوی‌سی بولمه‌س ایدی. حاضر ایسه آلمان تینچ‌لیک قیشلاغی تامانیدن درمان بولیب قیته بیزلر گه سالم تسلیم قیلیش‌لری اوچون جوده‌یم خورسند‌میز.»

بیزلرنینگ توییترده هم تعقیب قیلینگ!

شونینگدیک کسل‌لردن بیری نقیب‌الله نینگ ایتیشیچه: «نیچه آی‌دن بیری کسل‌مین و مملکت نینگ بوتون کسل‌خانه‌لری گه مراجعت قیلدیم، لیکن درمان بوله آلمه‌دیم. بیراق حاضر ایسه درمان اوچون آلمان گه آلیب کیته‌دیلر و مین قیته توزه‌لیشیم اوچون خورسند‌مین.»

آلمان تینچ‌لیک قیشلاغی ۱۹۹۸-ییل‌دن حاضرگچه کویگن، سویگی سینگن و یوره‌ک تیشیگی کسل‌لیکلر گه چلینگن کسل‌لر نی درمان اوچون آلمان گه آلیب باره‌دی که، حاضرگچه ۴۷۰۰ باله درمان بولیب قیته مملکت گه قیتگن.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام