بوگون “چهارشنبه” خلق ارا قیزل عاچ کمیته‌سی نینگ بیر اعلامیه نشر قیلیب ایتیشیچه، جاری میلادی ییل نینگ بیرینچی ۶ آیی‌ده مملکتده اوروش‌لر نتیجه‌سیده یره‌لنگن ۴۹ مینگ و ۵ یوز کیشی اوشبو کمیته تامانیدن درمان‌لنگن دیر.
قیزیل عاج کمیته‌سی نینگ تینچ اهالی گه قرشی زوروانلیک کوپه‌یگنیدن خواطر بیلدیریب ایتیشیچه، افغانستان تینچ اهالی اوچون خطرلی مملکت‌لردن بیری دیر.
مذکور اعلامیه گه کوره، تینچ اهالی تلفاتیدن یریمی‌نی عیاللر و باله‌لر تشکیل بیره‌دی و اورتلمه شکلده کونده ۲۷۰ کیشی جراحت کوتاره‌دی.
سلام‌وطندار اوزبیک بولیمی‌نی فیسبوک‌ده تعقیب قیلینگ
اوشبو کمیته نینگ ایتیشیچه، اوتگن ۶ آی جریانیده یالغیز قندهار ولایتی نینگ حوزه‌یی کسلخانه‌سیده ۲ مینگ و ۳۶۶ یره‌دار کیشی درمان‌لنگن دیر. اوشبو آمار اوتگن ییلگه نسبتن ایکی برابر کوپه‌یگن دیر.
خلق ارا قیزیل عاج کمیته‌سی نینگ افغانستانده‌گی باشلیغی ایلوا فیلیون نینگ ایتیشیچه، اوشبو کمیته اوروش تامان‌لریدن تینچ اهالی‌دن محافظت قیلش و اولرنینگ تلفاتی‌گه توسق بولیش اوچون سعی و حرکت قیلیش‌لرینی سوره‌گن.
اونینگ ایتیشیچه، افغانستانده زوروانلیکلر کوپه‌یگنی سبب، سوو و برق تاسیسات‌لری تخریب بولگن و ۴۰ ییل‌لیک اوروش اوشبو مملکت نظامی‌نی کوچ‌سیز قیلگن.
سلام‌وطندار اوزبیک بولیمی‌نی فیسبوک‌ده تعقیب قیلینگ
اونینگ کوپه‌یتیریشیچه، افغانستانده ساغلیک مراقبت‌لرگه قول تاپیش جدی انسان دوست‌لیک نیازلردن دیر و خلق ارا قیزیل عاج کمیته‌سی اوروش‌لردن زیان کورگن‌لرگه جدی شکلده انسان دوست‌لیک خذمت‌لرنی ارایه قیلیش‌گه تعهدلی دیر.
