قندهار ولایتیدن امنیتی بیر منبع نینگ ایتیشیچه، اوشبو ولایت نینگ ارغنداب تومنیده جاده چیککهسیده جایلشتیریلگن ماین نینگ پارتلشی سبب، بیرعایله نینگ 4 عضوی هلاک و باشقه 2 عضوی یرهلنگن.
امنیتی بیر منبع نینگ کیملیگی سیرقالیشنی ایستهب سلاموطندارگه ایتیشیچه، مذکور واقعه بوگون “دوشنبه” توشدن آلدین ارغنداب تومنی نینگ «باغ پل» منطقهسیده یوز بیرگن و قربان بولگنلر تینچ اهالی دیر.
حاضرگهقدر بو واقعه مسوولیتینی هیچبیر گروه یا-ده کیشی بوینیگه آلمهگن.
قندهار مملکت جنوبیده جایلشگن ناتینچ ولایتلردن بیری دیر. طالبان جنگریلری اوشبو ولایت نینگ ارغنداب تومنی شامل کوپ قطار منطقهلریده فعالیت قیلهدی.
