قندهار محلی مسئوللری نینگ ایتیشلریچه، اوتگن کونی کیچ قورون (شنبه، ۲۴ ثور)، قندهار شهری نینگ ۱۱-حوزه سیده جایلشگن «عینومینه» شهرکی «افغان_ ترک» خصوصی لیسه مکتبی مدیری نینگ اورین باسری، ناتانیش قورالی کیشیلر تامانیدن اولدیریلگن.
قندهار حاکمی نینگ سوزلاوچیسی محمود عزم، اوشبو واقعهنی تصدیقلب سلاموطندار گه ایتیشیچه، اولگن کیشی نینگ جسدی ایکی ساعتدن کیین، اهالی نینگ باردی_کیلدیسی کم بولگن منطقه ده بیر موتر ایچیدن تاپیلگن.
بیزلرنینگ فیسبوک صحیفهمیزگه باش اورینگ!
عینحالده، قندهاردهگی محلی منبعلر نینگ سلاموطندار گه ایتیشلریچه، «ارشاداحمد افضلی» اسملی افغان_ترک خصوصی لیسه مدیری نینگ اوین باسری، اوتگن کونی عصر چاغی اولدیریلگن.
منبعلر گه کوره، ناتانیش قورالی کیشیلر مرحومی نینگ تیلیفونینی آلیب کیتگن. منبعلر نینگ کوپهیتیریشیچه، اولگن کیشی نینگ جسدی قندهار نینگ حوزوی کسلخانهسیگه انتقال بیریلگن.
قندهار امنیه قوماندانلیگی نینگ سوزلاوچیسی محمدآصف حکیمی، مذکور واقعهنی تصدیقلب ایتیشیچه، حادثه عامللری قولگه آلینیشی مقصدیده سعی و حرکت قیلماقدهلر.
بیزلرنینگ توییترده هم تعقیب قیلینگ!
اوشبو واقعه عینحالده اویوشتیریلگن که اوتگن هفته سهشنبه، ۲۰ ثور، کابلدهگی منبعلر سلاموطندار بیلن اوتکزگن صحبتلریده، کابل ده ترکیه معارفی جمغرمهسی (افغان_ترک) مکتبلریدن قطاری نینگ تدریس جریانی امنیتی تهدیدلر طفیلی، اسلامی امارت استخبارات عمومی ریاستی مصلحتی بیلن توختهتیلیشیدن خبر بیرگن ایدیلر.
کابل ده ترکیه معارفی جمغرمهسی نینگ قیزلر مکتبی مسئولی عبدالمحیط عزیزی، مذکور بنیاد نینگ ایکی مکتب درسلری وقتینچهلیک توختهتیلیشینی تصدیقلب سلاموطندار گه ایتیشیچه، اوشبو قرار اسلامی امارت استخبارات عمومی ریاستی مصلحتی بیلن آلینگن و تهدیدلر برطرف بولیشی بیلن یقینده مذکور مکتبلر نینگ تدریس جریانی قیتهدن باشلنهدی.