بامیان ولایتی محلی مسئوللری نینگ ایتیشلریچه، اوتگن کونی (جمعه، ۲۳ ثور) شکیلا اسملی یاش بیر قیز مذکور ولایت نینگ ورس تومنی «خاک بابه» قیشلاغیده آشخانه ده اوزینی دارگه تارتیب حیاتی گه نقطه قویگن.
بامیان امنیه قوماندانلیگی نینگ سوزلاوچیسی محمدخوانی رسا گه کوره، شکیلا نینگ جسدی تیکشیریلیشی اوچون عدلی طب گه یوباریلگن و اوشبو واقعه گه باغلیق شکیلا نینگ اوگه‌ی آنه‌سی خوفسیزلیک بولیمی نظارتی آستیده آلینگن.
بیزلرنینگ فیسبوک صحیفه‌میزگه باش اورینگ!
عین‌حالده دایکندی ده‌گی محلی میدیالر نینگ گزارش‌لری اساسیده، ایکی کیچه آلدین اوشبو ولایت نینگ سنگ‌تخت و بندر تومنی «دهن غارک» قیشلاغیده ۲۰ یاشر بیر قیز اوققه توتیلیب اولدیریلگن. محلی میدیالر نینگ گزارش‌لری گه بناً، واقعه گه دایر بیر کیشی قولگه آلینگن.
دایکندی محلی رسانه‌لری نینگ گزارشیده کیلیشیچه، اوتکن کیچه ۵۵ یاشر بیر ایرکک کیشی مذکور ولایت نینگ میرامیر تومنی «گرد زمین میرغلام» قیشلاغیده نامعلوم قورالی کیشی‌لر تامانیدن اوققه توتیلیب اولدیریلگن.
بیزلرنینگ توییترده هم تعقیب قیلینگ!
ایتیلیشیچه، حادثه گه دایر ایکی کیشی قولگه آلینگن. ایتیش کیره‌ک که، سونگی آی‌لر ده بامیان و دایکندی ولایت‌لری بویلب جنایی جرم‌لر و زوروانلیک واقعه‌لر کوپه‌یگن.
