دایکندی محلی مسئوللری نینگ ایتیشلریچه، اوشبو ولایت نینگ مرکزی نیلی شهری و میرامور تومنیده الاحیده ایکی ترافیکی حادثه ده، بیر قیز شامل ۹ کیشی هلاک بولیب و باشقه ۱۳ کیشی یره‌لنگن.
دایکندی امنیه قوماندان‌لیگی سوزلاوچیسی غلام‌علی جاوید نینگ سلام‌وطندار گه ایتیشیچه، بیرینچی حادثه بوگون توش دن کیین ساعت ۲:۴۰ اطرافیده، «فلانکوچ» رسوملی بیر موتر ۱۸ یولاوچی بیلن «WFP» یاردم‌لرینی آلیش مقصدیده میرامور تومنی مرکزی تامان بارر ایکنلر که موترلری «اسپوک» داوانی (کوتلی) ده سرک دن چیقیب چپه بولیشی عاقبتیده یوز بیرگن.
بیزلرنینگ فیسبوک صحیفه‌میزگه باش اورینگ!
دایکندی امنیه قوماندان‌لیگی سوزلاوچیسی گه کوره، مذکور حادثه طفیلی ۱۲ یاشر بیر قیز شامل ۹ کیشی اولیب و باشقه ۹ کیشی یره‌لنگن.
دایکندی امنیه قوماندان‌لیگی سوزلاوچیسی نینگ کوپه‌یتیریشیچه، ایکینچی حادثه بوگون توش دن کیین اوشبو ولایت نینگ مرکزی نیلی شهری حدودلری «بند رمه‌گک» منطقه‌سیده، «فلانکوچ» رسوملی بیر موتر نینگ چپه بولیشی عاقبتیده یوز بیریب و نتیجه تورت کیشی یره‌لنگن.
غلام‌علی جاوید، مذکور ترافیکی حادثه‌لر سببینی یوللر بوزوق‌لیگی و هیداوچیلر نینگ دقت‌سیزلیگی عنوان قیلگن.
بیزلرنینگ توییترده هم تعقیب قیلینگ!
دایکندی نینگ سرک‌لری بوزوق‌لیگی و تارلیگی باعث، ییلیده اوشبو ولایت نینگ قتناو یوللریده ترافیکی حادثه‌لر یوز بیریب و اهالیدن قربان‌لیک آله‌دی.
